Job 17
1Рухтан тюштим,куньлерим битеята,
мезар мени беклей.
2 aМыскъылджылар этрафымны сарды,
мыскъыллары даима козюм огюндедирлер.
Эюп Аллагъа оны къорчаламагъа ялвара
3 bЯлварам санъа, Озюнъ борджумны бойнунъа ал.Сенден гъайры меним ичюн ким къол береджек?
4Сен акъылларыны къапаттынъ,
ве олар анълап оламаз,
шунынъ ичюн енъмеге оларгъа ёл бермезсинъ.
5Бирев озь файдасы ичюн достларыны сатса,
балаларынынъ козь нурлары сёнер.
6 cАлла мени халкънынъ тилине тюшюрди,
бетлерине тюкюрген адамларнынъ сырасына кечирди.
7Къасеветлерден козьлерим бунарланды,
къолларым-аякъларым азып кетти.
8Догъру адамлар бунъа шашар,
къабаатсызлар алласызларгъа ачувланыр.
9Лякин инсафлы адам ёлунда къатты турар,
къоллары темиз адам даа зияде кучьлю олур.
10Сизлер эпинъиз, къайтынъыз, яныма келинъиз!
Аранъызда бир акъыллы адам тапамайджагъым!
Эюпнынъ бир умюти – джан бермектир
11 dКуньлерим кечти,планларым ёкъ олды,
юрек истеклери гъайып олды.
12 eБу адамлар геджени куньдюзге чевирелер,
«Ярыкъ якъын», – деселер де,
къаранлыкъ чевре-четини къаплай.
13 fЭгер олюлернинъ дюньясыны эвим япсам,
къаранлыкъта тёшегимни тёшесем,
14мезаргъа: «Сен – бабамсынъ»,
къуртларгъа: «Сиз – анам ве къызкъардашымсынъыз», – айтсам,
15бундан сонъ неге ишанырым?
Беклегенимни ким корер?
16Умютим де олюлер дюньясына тюшеджек,
меннен берабер тоз-топракъ устюне энеджек.
Copyright information for
CrhCTB