Job 18 | CrhCTB | STEP | Шуалы Билдад джевап берип, бойле деди:

a Эюп 2.11; 8.1

b Збр 72.22

c Эюп 21.17; Икм 13.9; 24.20

d Эюп 5.13

e Збр 9.16; 139.6

f Эюп 15.21; 20.25; 27.20

h Баш 19.24; Збр 10.6; Ехез 38.22

i Эюп 24.20; Збр 33.17; Икм 10.7

j Збр 20.11

l Къад 2.10; Йрм 9.3; 2 Тес 1.8

‏ Job 18

Билдаднынъ экинджи лафы

Билдад Эюпны айткъан сёзлери ичюн сёге

1 ^aШуалы Билдад джевап берип, бойле деди:

2 – Бу сёзлернинъ сонъу оладжакъмы?
Яхшы тюшюнинъиз, сонъ айтайыкъ.
3 ^bНечюн бизлерни айван ерине тутасынъ?
Нечюн сенинъ козьлеринъде акъылсызмыз?
4 Сен гъазабынъда джанынъны чиль-парча этесинъ!
Сенсиз ер юзю бош олурмы?
Сенинъ ичюн къаялар озь еринден кочерми?

Алла яман адамларны джезалай

5 ^cЭбет, яман адамнынъ ярыгъы сёнеджек,
атешинден къыгъылчымы къалмайджакъ.
6 Чадырындаки ярыкъ къаранлыкъкъа дёнеджек,
устюндеки лампат сёнеджек.
7 ^dАдымлары къуветини джояджакъ,
онынъ планлары онъа къаршы чыкъаджакъ.
8 ^eАякълары оны тузакъкъа кетиреджек,
озь аягъынен къапкъангъа басаджакъ.
9 Аягъы ильмекке тюшеджек,
тузакъ оны тутаджакъ.
10 Топракъкъа сакълангъан бир аркъан,
ёлунда къоюлгъан бир къапкъан оны беклейджек.
11 ^fКъоркъулар оны эр тарафтан сараджакъ,
артындан къувалайджакъ.
12 Ачлыкъ онынъ кучюни кемирип битиреджек,
беля азыр олып, янында оладжакъ.
13 Терисини хасталыкъ ашайджакъ,
мучелерини олюм ^{▼▼Къ. еуд. сёзю-сёзюне «олюмнинъ биринджи догъгъаны» демектир.} ютаджакъ.
14 Чадырындан, ишанчындан къувуладжакъ,
къоркъулар падишанынъ огюне атыладжакъ.
15 ^hЧадырында атеш отураджакъ,
юртунынъ устюне кукюрт сепиледжек.
16 Тамырлары ашагъыдан къуруйджакъ,
пытакълары устьтен соладжакъ.
17 ⁱЕр юзюнде оны ич кимсе акъылгъа кетирмейджек,
ады сокъакъларда унутыладжакъ.
18 Оны ярыкътан къаранлыкъкъа къувалайджакълар,
ер юзюнден оны ёкъ этеджеклер.
19 ^jХалкъ арасында не огълу, не де торуны къаладжакъ,
яшагъан ерлеринде ич кимсе сагъ къалмайджакъ.
20 Келеджек несиллер омюри акъкъында эшитип шашаджакъ,
замандашлары къоркъу ичинде къаладжакъ ^{▼▼Даа бойле терджиме этмеге мумкюн: «Куньдогъуш тарафта яшагъан сойлары онынъ акъкъында эшитип, шашаджакълар, куньбаты тарафындакилер де дешетке келеджеклер».}.
21 ^lЯманлыкъ япкъан адамларнынъ эвлерине ойле олур,
Алланы танымагъанларнынъ ерлерине бойле къысмет тюшер.