Job 19 | CrhCTB | STEP | Эюп бойле джевап берди:

a Эюп 24.12; Хав 1.2

b Эюп 3.23; Агъл 3.9

c Збр 88.40

d Эюп 13.24; 33.10

e Эюп 10.17; 30.12; Агъл 3.5

f Збр 30.12; 37.11; 68.9; 87.9

l Икм 23.11; Еш 43.14

n Збр 16.15; 1 Юх 3.2

q Джем 12.14

‏ Job 19

Эюпнынъ джевабы

Эюп субетдешлерини къабаатлай

1 Эюп бойле джевап берди:

2 – Джанымны не вакъыткъадже къыйнайджакъсыз?
Не вакъыткъадже мени сёзлеринъизнен хорлайджакъсыз?
3 Он кере мени сёгдинъиз,
утанмадан мени сыкътынъыз.
4 Эгер керчектен де ёлдан урулгъан олсам,
меним гунам менде къалыр.
5 Эгер исе менден устюн юксельмеге,
масхаралыгъымны акъылыма кетирмеге истесенъиз,
6 билинъиз: башыма беляны Алла тюшюрди,
Озь агъынен О, чевремни сарды.

7 ^aМен: «Беля!» – деп къычырам,
джевап берген сою ёкъ,
ярдымгъа чагъырам,
адалет ёкъ!
8 ^bО, ёлумны къапатты, кечалмайым,
ёлларымны къаранлыкънен сарды.
9 ^cМенден намымны алды,
башымдаки таджымны алып ташлады.
10 Эр якътан йыкъа мени,
мен гъайып олып кетем,
умютимни, терекни киби,
тамырындан чыкъара.
11 ^dМанъа къаршы ачувы къайнады,
О, мени душман деп корьди.
12 ^eОрдуларынынъ эписи манъа якъынлашты,
манъа тараф ёл алды,
чадырымнынъ чевресинде ерлешти.

13 ^fО, агъа-къардашларымны менден узакълаштырды,
эписи танышларым менден четлешти.
14 Сой-сопум мени быракъты,
якъынларым мени унутты.
15 Эвимдеки мусафирлернен къыз хызметчилери
мени ябанджы деп саялар,
мен козьлеринде ят адам олдым.
16 Къулумны чагъырам, сес бермез,
мен онъа ялвармагъа меджбурым.
17 ^gНефесимден апайым джиренир,
балаларыма да мен сасыкъ къокъусы кибидирим.
18 ^hУфакъ балалар биле мени адам саймайлар,
пейда олсам, олар мени мыскъыллай.
19 Бутюн якъын достларым менден джиренди,
севгенлерим менден юзь чевирди.
20 Кемик-тери олып къалдым,
янъгъыз тишлерим ве ченгелерим сагъ къалды.

21 ⁱЭй, достларым! Аджынъыз, аджынъыз мени!
Алланынъ къолу мени урды.
22 Нечюн, Алла киби, сиз де мени къувалайсынъыз?
Нечюн этиме тойып оламайсынъыз?

Къорчалайыджы Эюпны къорчалар

23 ^jАх, сёзлерим язылгъайды!
Олар китапкъа кечкейди!
24 ^kДемир къалемнен, къуршуннен
эбедиен ташкъа оюлгъайды!
25 ^lБилем ки, Къорчалайыджым бар,
ве О, сонъунадже оладжакъ ^{▼▼Я да «О Сонъки, ернинъ устюнде О, тураджакъ».}.
Устюмде тери олмагъанындан сонъ,
мени парчалагъанлардан сонъ,
26 ⁿджаным беденимден чыкъкъанындан сонъ,
мен Алланы кореджегим ^{▼▼Я да «тири оларакъ мен Алланы кореджегим».}.
27 Мен озюм Оны кореджегим,
башкъасынынъ дегиль, меним козьлерим Оны кореджек ^{▼▼Даа бойле терджиме этмеге мумкюн: «Меним козьлерим Оны кореджек, О, манъа ябанджы олмайджакъ».}.
Багърымда юрегим байыла!

28 Сизлер айтасынъыз:
«Насыл этип де оны даа хорлайыкъ?»
Менде тапылгъан яманлыкънынъ тамыры неде?
29 ^qКъылычтан къоркъунъыз,
чюнки къылыч ачувнен къабаатлыны джезалар,
ве адалет бар олгъаныны билирсинъиз!