Job 22
Элифазнынъ учюнджи лафы
Элифаз Эюпны къабаатлай
1 aТеманлы Элифаз бойле джевап берди: 2– Адам Аллагъа файда кетирип олурмы?Акъыллы адам биле тек озюне файда кетире.
3 bДогърулыгъынъ Къудретлиге не къуванч берип олур?
Къусурсыз омюринъ Онъа не файда кетирип олур?
4О, сени джезалай
ве сеннен дава эте
диндарлыгъынъ ичюнми, аджеба?
5Ачувынъ буюк дегильми?
Къабаатларынъ да сонъсуз дегильми?
6 cКерчектен де, къардашларынъдан бош ерде залог алып,
урбаларыны алып, оларны чыр-чыплакъ къалдырдынъ.
7 dСувсузлыкътан янгъангъа сув ичирмединъ,
ач олгъангъа да отьмек бермединъ.
8Кучю олгъанлар топракъны запт этелер,
башыны юксек туткъанлар о топракъта яшай!
9 eСен тул апайларны бош къолнен къайтардынъ,
оксюзлернинъ таянчыны йыкътынъ.
10 fОнынъ ичюн чевре-четинъ къапкъандыр,
апансыздан башынъа къоркъунчлы беля тюшти.
11 gЯрыкъ сен ичюн къаранлыкъкъа чевирильди,
ич бир шей корьмейсинъ.
Сен сув акъымлары тюбюнде къалдынъ.
12 hАлла коклерден юксек дегильми?
Йылдызларгъа бакъ, не къадар юксектелер!
13 iСен исе: «Алла не билир? – дейсинъ.
– Зифт къаранлыкъ ичинден О, суд этип олурмы?
14Булутлар Онъа пердедир, бир шей коралмаз,
О, тек кок къуббесининъ устюнде юрер».
15Яман адамларнынъ юрген
эски ёлуны тутаджакъсынъмы, аджеба?
16 jОлар исе вакъытлары кельмезден къырылдылар,
темеллерини сувлар басты.
17 kОлар Аллагъа: «Бизден узакъ тур! – дедилер.
– Къудретли Алла бизге не япып олур?»
18 lАмма оларнынъ эвлерини эйиликке толдургъан О эди.
Лякин яман адамларнынъ огюти менден узакъ олсун!
19 mДогъру адамлар оларнынъ алыны корип къуваныр,
къабаатсызлар бойле деп кулер:
20«Душманларымыз ёкъ этильди,
олардан къалгъаныны атеш якъты».
Элифаз Эюпны яманлыкътан вазгечмеге чагъыра
21Аллагъа якъын олсанъ, раат олурсынъ,ве яхшылыкъ санъа келир.
22 nАгъзындан чыкъкъан Къанунны къабул эт,
сёзлерини юрегинъе къой.
23 oКъудретлиге айлансанъ, янъыдан котерилирсинъ,
тек яманлыкъны чадырынъдан узакълаштыр.
24 pАлтын маденини ерге,
Офир алтыныны вадийдеки ташларнынъ арасына ат.
25Къудретли Алла сенинъ алтын маденинъ,
парлакъ кумюшинъ олур.
26 qО вакъыт Къудретлиде къуванч тапарсынъ,
юзюнъни Аллагъа котерирсинъ.
27 rОнъа дува этерсинъ, О, эшитир сени,
адакъларынъны ерине кетирирсинъ.
28 sНе ниетинъ олса, оны беджерирсинъ,
ёлларынъны ярыкъ айдынлатыр.
29Бирев йыкъылса,
сен: «Оны котер!» – деп айтарсынъ,
ве О, алчакъгонъюллилерни къуртарыр ▼
▼Даа бойле терджиме этмеге мумкюн: «Адам ашаланса, сен, бу онынъ къопайлыгъы ичюн, дейсинъ, амма Алла алчакъгонъюллини къуртарыр».
.30 uО, къабаатлы олгъанны биле къуртарыр,
эллеринънинъ темизлиги ичюн о къуртулыр.
Copyright information for
CrhCTB