Job 25
Билдаднынъ учюнджи лафы
Адам Алланынъ огюнде инсафлы дегиль
1 aШуалы Билдад бойле джевап берди: 2– Акимиет ве къоркъу Алланынъ къолундадыр,юдже коклеринде аманлыкъ яраткъан Одыр.
3 bОнынъ ордуларыны саймакъ мумкюнми?
Ярыгъы кимнинъ устюне догъмаз?
4 cАдам Алланынъ огюнде насыл инсафлы ола билир?
Къадындан догъгъан бирев насыл темиз ола билир?
5Онынъ козюнде ай нур сачмаз,
ве йылдызлар айдын олмаз!
6 dАдам исе – бир къурт,
адам огълу да – бир къуртчыкътыр!
Copyright information for
CrhCTB