Job 26
Эюпнынъ джевабы
Эюп Билдад лафларынынъ устюнден куле
1Эюп бойле джевап берди: 2– Къуветсиз адамгъа сен буюк ярдым эттинъ!Такъаттан кесильгенге ярдым къолуны узаттынъ!
3Акъыллы олмагъангъа насыл акъыл огреттинъ!
Ишни бутюнлей пек гузель анълаттынъ!
4Кимнинъ ярдымынен бу сёзлерни айттынъ?
Бойле лаф этмеге сени ким рухландырды?
5Сувларнынъ тюбюнде олюлернинъ рухлары
ве анда яшагъанлар титрер.
6 aАлланынъ огюнде олюлернинъ дюньясы ачыкътыр,
ве эляк дияры ич бир шей къапатмаз.
7 bО, бошлукънынъ устюне шимальни джайды,
ич бир шейнинъ устюне дюньяны асты.
8 cБулутларынынъ ичине сувларны къапата,
оларнынъ агъырлыгъы тюбюнде булутлар йыртылмаз.
9О, Озь тахтынынъ огюни сакълады,
устюни булутларнен къаплады.
10 dЯрыкънен къаранлыкъны айыргъан ерде
сувларнынъ устюнден сынъыр чызды.
11 eАлланынъ ачувлы гудюрдисинден
коклернинъ диреклери титреди
ве шашып къалды.
12 fОзь кучюнен О, денъизни далгъалатты,
акъылынен Рахавны урып-йыкъты.
13 gОнынъ нефесинден коклер ачылды,
Онынъ къолу къачкъан йыланны ольдюрди.
14Будыр япкъанларынынъ кучюк парчалары.
Онынъ акъкъында тек азчыкъ эшиттик,
амма къудретининъ гудюрдисини ким анълап олур?
Copyright information for
CrhCTB