o Збр 61.11
Job 31
Эюп Алланынъ огюнде къабаатлы олмагъаныны айта
1 aИстекнен ич бир къызгъа бакъмамагъакозьлериме буюрдым.
2 bЮкъарыдаки Алладан адамнынъ аладжакъ пайы недир?
Коклердеки Къудретли онъа не береджек?
3Адалетсиз адамларгъа О, беля ёлламайджакъмы?
Акъсызлыкъ япкъанларгъа бахытсызлыкъ бермейджекми?
4 cЮрген ёлларымны О, корьмедими?
Эр аткъан адымымны саймадымы?
5Эгер ялан ёлунда юрген олсам,
аягъым алдавгъа тараф ашыкъкъан олса,
6 dАлла мени догъру теразеде чексин
ве догърулыгъымны корьсюн.
7Табанларым ёлуны джойгъан,
юрегим козьлеримнинъ артындан кеткен,
къолларыма кирли бир шей япышкъан олса,
8 eсачкъанымны башкъалары ашасын,
оськен берекетим тамырындан чыкъарылсын.
9 fЭгер юрегим бир къадыннынъ артындан кеткен олса,
башкъа адамнынъ къапусы янында пусып отургъан олсам,
10 gапайым башкъасынынъ богъдайыны чексин,
башкъа акъайлар онен ятсын.
11Чюнки меним япкъаным – ахлякъсызлыкъ,
джезаланаджакъ арекет олур эди,
12 hЭляк диярына тюшюреджек атеш киби,
ойле япкъаным бутюн барлыгъымны ёкъ этер эди.
13Эгер хызметчилерим меннен давалашкъанда,
мен адалетсиз олып, оларны ред эткен олсам,
14Алланынъ огюнде тургъанда, не япарым?
О, манъа бакъкъанда, насыл джевап берерим?
15 iО, мени де, хызметчимни де ана къурсагъында яратмадымы?
О да, бизим экимизни къарында ясамадымы?
16Ёкъсулларнынъ тилегини беджермедимми?
Тул къадыннынъ умютини къырдыммы?
17 jОтьмегимни бир озюм ашадыммы?
Оксюзлернен пайлашмадыммы?
18 kБалалыгъындан берли мен оксюзлерге баба киби олып,
оларны осьтюрдим,
догъгъанымдан берли тул къадынгъа ёл косьтердим.
19Урбасы олмагъаны ичюн гъайып олгъанны,
я да кийимсиз бир ёкъсулны корьгенде,
20 lкъойларымнынъ юньлеринден онъа сыджакъ урба бермедимми?
Онынъ ичюн о, манъа яхшылыкъ тилемедими?
21 mШеэр къапулары янында къол тутув олгъаныны билип,
оксюзге къол котерген олсам,
22къолум омузымдан айырылсын,
тирсек кемигим къырылсын.
23Амма мен Алладан келеджек джезадан къоркъам,
Онынъ буюклигине къаршы турып оламам.
24 nАлтынгъа мен ишандыммы?
Шу темиз маденге: «Сен – умютимсинъ», – дедимми?
25 oБарлыгъым буюк олгъанына,
озь къолумнен чокъ къазангъаныма къувандыммы?
26Парылдагъан кунешке,
арекет эткен къыйметли айгъа бакъкъанда,
27 pюрегим гизлиден алдандымы?
Оларгъа къолларымны узатып,
оларгъа ибадет эттимми? ▼
▼Къ. еуд. сёзю-сёзюне «агъзымнен къолумны опе эдимми?» демектир. Ихтимал, бойле этип, адамлар урьмет ве ибадет бильдире эдилер.
28Бу да джезаланаджакъ шей олур эди,
чюнки о вакъыт Юдже Алладан вазгечир эдим.
29 rМени кореджек козю олмагъан адам белягъа огърагъанда,
мен къувандыммы?
Яманлыкъ онъа кельгенде,
севинчнен къычырдыммы?
30 sБиревни къаргъамагъа
ве бойле этип, гуна къазанмагъа
агъзыма ёл бермедим.
31Чадырымдаки адамлар:
«Онынъ этине къурсакъны тойдурмагъан адам ёкъ!»
– айтмай эдими?
32 tИч бир ёлджу геджени сокъакъта кечирмеди,
чюнки къапуларым кельген-кечкенлерге ачыкъ эди.
33 uАдем киби, къабаатларымны гизледимми?
Яманлыкъларымны багърымда сакъламагъа тырыштыммы?
34Ойле олса, буюк джемааттан къоркъып,
сойларымнынъ нефретинден отюм патлап,
сусар эдим ве къапудан чыкъмаз эдим.
35 vАх, эгер мени эшиткен бири олса эди!
Лафымны битирем ▼
▼Къ. еуд. сёзю-сёзюне «Мына меним печатым!» демектир. О заманларда мектюпнинъ я да башкъа бир кягъытнынъ сонъунда еудий элифбесининъ сонъки арифини «тав» яза эдилер. Онынъ корюниши хачкъа (Х) ошай эди.
.Къудретли Алла манъа джевап берсин,
меннен давалашкъан кягъытыны язсын.
36Оны омузымда ташып,
тадж киби башыма къояр эдим,
37эр аткъан адымымны онъа бильдирип,
онъа, бир башлыкъ киби, якъынлашыр эдим.
38Эгер топрагъым манъа къаршы къычыргъан,
ве онен берабер ёлакълары агълангъан олса,
39эгер мен махсулыны пара одемеден ашагъан,
я да сабыларынынъ джаныны агъырткъан олсам,
40 xбогъдай ерине тикен,
арпа ерине кийик отлар осьсюн!
Эюпнынъ лафы сонъуна етти.
Copyright information for
CrhCTB