Job 32 | CrhCTB | STEP | Эюп озь догърулыгъында эмин олгъаны ичюн, бу учь акъай Эюпкъа джевап бермектен вазгечтилер.

e Эюп 33.4; Збр 118.100

‏ Job 32

Элихунынъ сёзлери

1 Эюп озь догърулыгъында эмин олгъаны ичюн, бу учь акъай Эюпкъа джевап бермектен вазгечтилер. 2 ^aО вакъыт Буз союндан, Рам къабилесинден олгъан Баракелнинъ огълу Элиху, Эюп озюни Алладан акълы сайгъаныны корип, онъа гъает ачувланды. 3 Эюпнынъ учь достуна да ачувланды, чюнки олар Эюпкъа джевап бермеге бильмейип, оны къабаатладылар ^{▼▼Еудийлернинъ адетине коре, бу къысым бойле терджиме этильмек керек: «Олар джевапны тапмадылар ве, бойледже, Алланы адалетсизликте къабаатладылар».}. 4 ^cЭюпнынъ достлары Элихунынъ буюк олгъаны ичюн, о, Эюпнен лаф этмек ичюн сырасыны беклей эди. 5 Бу учь адам джевап бермегенини корип, Элихунынъ ачувы къайнады.

Элихунынъ биринджи лафы

6 Буз союндан Баракелнинъ огълу Элиху бойле деди:

– Мен – яшым, сизлер – баягъы яштасынъыз,
онынъ ичюн чекиндим,
тюшюнгенимни айтмагъа къоркътым.
7 ^d«Чокъ кунь корьгенлер лаф этсин, – дедим.
– Чокъ йыл яшагъанлар акъыл огретсин».
8 ^eЛякин адамнынъ ичинде рух бар ^{▼▼Даа бойле терджиме этмеге мумкюн: «адамнынъ ичинде Алланынъ Руху бар».},
Къудретлининъ нефеси анълав берер.
9 Акъыл адамнынъ яшына багълы дегиль,
адалетнинъ анъламасы да къартлыкъкъа багълы дегиль.
10 Онынъ ичюн: «Мени динъленъиз, – дейим.
– Мен де тюшюнгенимни айтайым».

Элиху достларыны къабаатлай

11 Сиз лаф эткенде, мен бекледим,
сиз не дейджегинъизни къыдыргъанда,
тюшюнджелеринъизни динъледим.
12 Бутюн дикъкъатымны сизге чевирдим.
Амма ич биринъиз Эюпнынъ акъсызлыгъыны косьтералмадынъыз,
онынъ айткъанларына джевап берип оламадынъыз.
13 «Биз бир акъыллы шейнинъ фаркъына бардыкъ:
“Оны Алла къабаатласын, адам дегиль”», – деменъиз ^{▼▼Я да «“Биз – икмет саибимиз”, – деменъиз. Эюпкъа джевапны адам дегиль, Алла береджек».}.
14 Лякин Эюп меннен лаф этмеди,
шу себептен онъа сизинъ сёзлеринъизнен джевап бермейджегим.

15 Олар къоркъты, джевап бермейлер,
айтаджакъ шейлери къалмады!
16 Не къадар беклесем де, олар лаф этмейлер,
токътадылар, джевап бермейлер!
17 Меним исе айтаджакъ сёзюм бар,
мен тюшюнгенимни айтаджагъым.
18 Ичим сёзлерге толу,
ичимдеки рух мени зорлай.
19 Иште, ичим ачылмагъан шарап киби,
янъы шарап мешин торбалары киби
аман-аман патлайджакъ.
20 ^hАйтарым да, енгиллеширим,
агъзымны ачып, джевап берерим.
21 Кимсенинъ бетине бакъмайджагъым,
кимсенинъ шерефи ичюн, айры-айры сёзлер къыдырмайджагъым,
22 чюнки ялтакъланмагъа бильмейим.
Ойле олмаса, Яратыджым мени шимди ольдюрсин!