Job 34 | CrhCTB | STEP | Элиху лафыны девам этип бойле деди:

h Икм 24.12; Збр 61.13

i Эюп 8.3

j Баш 3.19; Збр 89.4; 103.29; Джем 3.20; 12.7

l Эюп 31.15; Икм 22.2

o Збр 138.12

s Эюп 27.23; Агъл 2.15

‏ Job 34

Элихунынъ экинджи лафы

1 Элиху лафыны девам этип бойле деди:

2 – Эй, акъыллы адамлар, айткъанларымны динъленъиз,
къулакъ асынъ манъа, эй, бильгенлер!
3 ^aТамакъ ашнынъ леззетини насыл айырса,
къулакъ да сёзлерни сынай.
4 Келинъ, адалет не олгъаны акъкъында къарар чыкъарайыкъ,
яхшы дегени не олгъаныны билейик.

Элиху Эюпны адалетсизликте къабаатлай

5 ^bЭюп: «Мен къабаатсызым, – деди.
– Алла исе манъа адалет косьтермеди.
6 Чыкъарылгъан къараргъа коре, мен яланджым ^{▼▼Бу джумленинъ манасыны даа бойле тариф этмеге мумкюн: «“Мен къабаатлым”, – деп ялан айтмакъ керекимми мен?»}.
Акъсызлыгъым ёкъ,
лякин пек агъыр яраландым».
7 ^dЭюп киби адам бармы?
Сув ичкени киби,
о, мыскъыллай,
башкъаларнынъ устюнден куле,
8 ^eбеля кетиргенлернен достлаша,
яман адамларнен бир ёлда юре.
9 ^fО: «Алланынъ разылыгъыны къыдырмакъ
адам ичюн файдасыздыр», – деди.

Элиху Алланынъ адалетлиги акъкъында айта

10 ^gБойледже, анълагъан адамлар, мени динъленъиз!
Яманлыкъ Алладан узакътыр,
адалетсизлик Къудретлининъ янында ёкъ.
11 ^hО, эр кеске ишине коре берер,
арекетлерине коре акъкъыны кетирир.
12 ⁱАкъикъатен, Алла яманлыкъ япмаз,
Къудретли акъсызлыкъ этмез.
13 Ер юзюни бакъмагъа Оны ким къойды?
Бутюн дюньягъа башлыкъ этмеге Онъа ким буюрды?
14 Эгер О, юрегинде истеп,
Рухуны ве омюр берген нефесини арткъа алса,
15 ^jэр бир джан бир аньде ёкъ олур,
адам кене тозгъа чевирилир эди.

16 Бойледже, сенде анълав олса, динъле,
сёзлериме къулакъ ас.
17 Акъикъатны кореджек козю олмагъан бири
башлыкъ этип олурмы? ^{▼▼Я да «яраларыны багълармы?»}
Догърулыкъта буюк Алланы
яманлыкъ япкъанында къабаатларсынъмы?
18 Падишагъа: «Ярамазсынъ»,
мырзаларгъа: «Яман адамларсынъыз», – демеге мумкюнми?
19 ^lЛякин О, ёлбашчыларгъа айры урьмет косьтермей,
бай-фукъарени айырмай,
чюнки олар эписи – Онынъ яраткъанларыдыр.
20 ^mБир аньде олар олелер,
гедже ярысында халкъ къалтырар ве ёкъ олур,
кучьлю инсанлар да гъайып олып кетер,
оларгъа къаршы исе кимсе кучь къулланмаз.

21 ⁿРАББИнинъ козю адамларнынъ ёлунда,
эр аткъан адымларыны О, корер.
22 ^oАкъсызлыкъ япкъанларнынъ сакъланып оладжакъ
не къаранлыгъы, не де олюм кольгеси бардыр.
23 Шунынъ ичюн джевап бермек ичюн
огюне кельсинлер деп,
Аллагъа адамларны чагъырмагъа керекмей.
24 ^pКучьлюлерни сорамаздан къырып ташлар,
оларнынъ ерине башкъаларны къояр.
25 Керчектен де, О, оларнынъ япкъанларыны билир,
гедже оларны авдарыр, ве олар къырылыр.
26 Эр кеснинъ козю огюнде,
къанунны бозгъанлар джезалангъан ерде оларны урар,
27 чюнки олар Ондан вазгечтилер,
эписи ёлларыны анъламагъа истемедилер.
28 ^qШунынъ ичюн ёкъсулларнынъ ярдымгъа чагъыргъаны
Онъа барып етти,
фукъарелернинъ агълавыны О, эшитти.
29 Лякин О, сессиз къалса,
Оны ким къабаатлап олур?
Юзюни гизлесе,
Оны ким корип олур?
Эм халкъкъа, эм бир адамгъа бир олур,
30 алласыз адам падишалыкъ этмесин,
халкъны ёлдан урмасын деп.

31 Бирев Аллагъа:
«Джезаландым, башкъа гуна япмайджагъым,
32 бильмегенлеримни манъа огрет,
акъсызлыкъ эткен олсам, бир даа этмем», – айтса,
33 сенинъ тюшюнгенлеринъе коре,
Алла акъкъыны береджекми?
Оны ред эткенинъ ичюн,
сен сайлайджакъсынъ, мен дегиль,
бильгенлеринъни айт, бакъайым.

34 Акъыл-ферасетли адамлар,
мени динълеген икметли инсанлар манъа ойле айтаджакълар:
35 ^r«Эюп не айткъаныны бильмей,
сёзлери де манасыз».
36 Инсафсыз адамлар дайын джевап бергени ичюн,
Эюп бутюнлей сыналгъайды!
37 ^sО, гунасына даа Аллагъа къаршылыгъыны къоша,
бизим арамызда Алланы мыскъыллай,
Онъа къаршы даа зияде лаф эте.