Job 37
1Юрегим бунынъ ичюн титрерве еринден ойнар.
2Алланынъ гудюрдили сесини дикъкъатнен динъленъиз
ве агъзындан чыкъкъан гудюрдилерини эшитинъиз!
3 aОлар кокнинъ тюбюндеки эр ерде эшитилир,
йылдырымнынъ ярыгъы ер юзюнинъ эр кошесинде корюнир.
4 bАртындан бир сес гудюрдер,
Озь гъурурлы сесинен гурьлер,
сеси эшитильген сонъ да, оны токътатмаз.
5 cАлланынъ сеси гудюрдер,
аджайип ишлерни косьтерир,
бизлер исе оларны анъламамыз.
6 dКъаргъа: «Ерге тюш», – деп буюрыр,
эм сагъанакъ, эм ягъмур Онынъ кучюне бойсуныр.
7Бутюн инсанлар Онынъ ишлерини бильсинлер деп,
О, эр кеснинъ къолуна тамгъа къояр ▼
▼Я да «О, эр кесни, раатлансынлар деп, япыкъ къапу артында отурта».
.8 fО заман айванлар да сакълангъан ерлерге кетер,
юваларында отурарлар.
9Дженюптен боран къопар,
шимальден – къатты сувукъ ▼
▼Къ. еуд. сёзю-сёзюне «чадырдан боран келе, сувукъ кетирген еллерден аджджы сувукъ» демектир.
.10 hАлланынъ уфюргенинден буз пейда олур,
ве сув юзю къаттылашыр.
11О, даа булутларны дымгъа толдурыр,
ве олар яшынларны эр якъкъа ягъдырыр.
12 iБулутлар айланалар,
Онынъ истегине коре ёл тутар,
ер юзюнде буюргъаныны беджерир.
13 jЯ инсанларны джезаламакъ,
я топракъны сувармакъ,
я мерамет косьтермек ичюн
ягъмурны ягъдырыр.
14– Динъле шуны, Эюп,
тур да, Алланынъ аджайип ишлерини тюшюн.
15Алла булутларны насыл ерлештиргенини,
яшын насыл этип парылдагъаныны билесинъми?
16 kБулутлар кокте насыл асылып тургъанларыны билесинъми?
Онынъ бильгиси къусурсыз,
япкъанлары да аджайиптир!
17Дженюптен ель кельгенде
ве ер юзюни тынчландыргъанда,
санъа да урбаларынъда сыджакъ ола.
18 lЛякин тёкме кузьгю киби сагълам олгъан кок къуббесини
Онен берабер сен джаярсынъмы?
19 mОнъа не айтаджагъымызны огрет бизге,
чюнки бу къаранлыкъта биз бир шей азырлап оламаймыз.
20Онъа не айтаджагъым акъкъында айтмакъ керек экенми?
Адам Алланен лаф этсе,
мытлакъа ёкъ этиледжек.
21Ель урып-йыкъып, коклерни темизлегенде,
булутлар устюнден парылдагъан ярыкъкъа
бакъмакънынъ чареси олмай.
22Алтын ярыкъ шимальден келир,
Алланынъ чевресинде къоркъунчлы шуреттир.
23Къудретли Алланы акъылымыз анъламаз.
Онынъ кучю – буюк,
суду – адалетли, догърулыгъы – сонъсуздыр.
Ич бир адамны О, хорламаз.
24 nШунынъ ичюн, эй, адамлар, Алладан къоркъунъыз!
О, сизинъ акъыллы олгъанынъызгъа бакъмаз!
Copyright information for
CrhCTB