g Збр 118.120
Job 4
Элифазнынъ биринджи лафы
1Теманлы Элифаз бойле джевап берди: 2– Санъа бир шей айтсам,джанынъ агъырмазмы?
Айтмасам, ичим дерт толаджакъ!
3 aСен чокъусына огют бердинъ,
рухтан тюшкенлерге таянч эдинъ,
4ёлдан урулгъанларгъа сёзлеринъ такъат берди,
тизи титрегенлерге сен къувет бердинъ.
5Лякин беля санъа кельгенде, сен такъаттан тюштинъ,
къаза башынъа тюшкенде, сен къоркътынъ.
6 bАлладан къоркъкъанынъ санъа эминлик бермезми,
догъру яшагъанынъ санъа ишанч олмазмы?
7 cТюшюн да бакъ, къабаатсыз адам гъайып олдымы?
Догъру адамлар бирде-бир ерде ёкъ этильдими?
8 dКорьгениме коре, кемлик ве яманлыкъ сачкъанлар
белялар берекетини джыяр.
9 eАлла уфюрер ве оларны гъайып этер,
гъазабы эсер, ве олар ёкъ олур.
10Багъыргъан арсланнынъ сеси кесилир,
яш арсланларнынъ тишлери къырылыр.
11Аш тапамагъаны ичюн арслан олер,
балалары тараф-тараф къачар.
Элифазнынъ корьгени
12Бир сёз гизли манъа келип етти,къулагъым фысылтыны эшитти.
13 fО гедже мен къоркъунчлы тюшни корьдим,
о вакъыт къатты юкъу адамларны сарды.
14 gМен къоркътым ве пек титредим,
эписи кемиклерим къалтырады.
15Устюмден бир ель кечти,
ве тёпе сачларым тикленди.
16 hКимдир турды, амма не олгъаныны анъламадым,
козюм огюнде анълашылмагъан бир шей тура эди.
Тынчлыкъ ерни къаплады. Сонъ сесни эшиттим:
17 i– Алланынъ огюнде адам къабаатсыз олурмы?
Яратыджысынынъ огюнде инсан темиз ола билирми? ▼
▼Даа бойле терджиме этмеге мумкюн: «Адам Алладан адалетли олмакъ мумкюнми? Инсан Яратыджыдан саф олмакъ мумкюнми?»
18 kМына, Алла Озь къулларына ишанмаз,
Озь мелеклерини биле хаталарда къабаатлар.
19Я адамлар акъкъында не айтмагъа мумкюн?
Олар тоз-топракъта тургъан,
балчыкътан япылгъан эвлерине ошайлар.
Оларны сюмеден къолай эзмеге мумкюн.
20Саба сагъ-селямет олып, акъшамгъа олелер.
Гъайып олгъанларда да, кимсе фаркъына бармаз.
21 lОлардан къалгъан барлыкъ башкъаларына къысмет ола.
Алланынъ истегини анъламайып,
олар олип кетелер.
Copyright information for
CrhCTB