Job 40 | CrhCTB | STEP | РАББИ боран ичинден Эюпкъа бойле джевап берди:

‏ Job 40

1 ^aРАББИ боран ичинден Эюпкъа бойле джевап берди:

2 ^b– Шимди эркек киби, азырлан да,
Мен сорайым, сен анълат.
3 ^cКъарарларымны бошуна чевиреджек оласынъмы?
Озюнъни акъламакъ ичюн,
Мени къабаатлайджакъсынъмы?
4 ^dСенде Алланынъ кучю киби кучь бармы?
Сесинъ Онынъ сеси дайын гурьлеп олурмы?
5 Ойле олса, озюнъни шан-шуретнен яраштыр,
шереф ве буюкликнен озюнъни косьтер.
6 Ачувынъны тёкип йибер,
гъурурлы адамларгъа бакъып,
оларны алчакъгонъюлли эт.
7 Эписи къопайларгъа бакъып, оларны ашала,
яман адамларны олгъан ерлеринде ёкъ эт.
8 Оларны бирликте топракъта сакъла,
гизли ерде оларны къапат.
9 ^eО заман Мен къабул этерим ки,
сен озь къолунънен озюнъни къуртарып оласынъ.

10 ^fСеннен берабер яраткъан бехемоткъа ^{▼▼Къ. еуд. «бехемот» сёзю дегенде, къайсы айван козьде тутулгъаны бельгисиздир. Бу къоркъунчлы бир айван эди. Онынъ буюк аякълары, къуйругъы ве бедени бар эди.} бакъ.
О, бугъа киби, от ашай,
11 онынъ санында не къадар буюк кучь бар,
къурсагъынынъ адалелери де не кучьлюдир!
12 Къуйругъы кедр тереги киби къатты,
бутындаки дамарлары сым-сыкътыр.
13 Кемиклери – тунч боразанлар киби къавий,
аякълары – демир чубукълар кибидир.
14 Алланынъ яраткъанлары арасында о, биринджи яратылды ^{▼▼Я да «о, баш олды».},
янъгъыз Яратыджысы онъа къылычнен якъынлашыр.
15 Дагълар онъа ашайджагъыны кетире,
бутюн кийик айванлар янында ойнай.
16 Талдалы тереклер тюбюнде сакъланыр,
къамышлы батакълыкъта ятар.
17 Тереклер оны талдаларында сакълар,
ирмакъ башындаки таллар этрафыны сарар.
18 Онъа къаршы сув акъымы акъса биле,
еринден къыбырдамаз,
Иордан дерьясы богъазына таянса биле,
раат къалыр.
19 Козьлери ачыкъ олгъанда,
оны ким къапкъангъа тутып олур,
бурнуны зыпкъыннен ким тешип олур?

Ливьятан акъкъында

20 Ливьятанны ^{▼▼Ливьятан – сувда, денъиз теренлигинде яшагъан дешетли махлюкъ. 3.8 бакъ.} къармакънен чекип олурсынъмы?
Тилини йипнен багълап олурсынъмы?
21 Бурнуна йип кечирип олурсынъмы,
ченгесини ыргъакънен тешип олурсынъмы?
22 О, сенден мерамет истерми?
Сеннен татлы-татлы лаф этерми?
23 ^jСеннен анълашма тизерми?
Омюрбилля оны къул этип озюнъе алырсынъмы?
24 Къушчыкънен ойнагъан киби, онен ойнарсынъмы?
Къызчыкъларынъа эглендже оларакъ,
оны багълап олурсынъмы?
25 Балыкъчылар онынъ ичюн базарлыкъ этеджеклерми?
Алыш-веришчилер ^{▼▼Къ. еуд. «ханаанлылар» манасыны анълаткъан сёз къулланыла. Къадимий заманларда ханаанлыларнынъ чокъусы алыш-веришнен огъраша эдилер.} араларында оны болерлерми?
26 Терисини зыпкъынларнен,
башыны мызракънен урып олурсынъмы?
Къолунъны устюне къойсанъ,
онен уруш акъылынъдан кетмез,
ве буны бир даа япмайджакъсынъ.
27