Job 7
Эюпнынъ къасевети
1 aАдамнынъ ер юзюндеки куньлери – аскернинъ агъыр хызмети кибидир,онынъ куньлери – ыргъатнынъ куньлери киби.
2 bТалдада раатланмакъ ичюн айырылгъан вакъытны
къул сабырсызлыкънен беклегени дайын,
ыргъат да иш кунюнинъ акъкъыны беклей.
3Джанымнынъ айлары бири-бири артындан бошуна кетелер,
геджелери де къаарь-къасеветте кечелер.
4 cЯтар-ятмам, танъ аткъаныны беклейим,
амма гедже пек узанып, уджу-буджу корюнмей,
ве танъ аткъандже юварланам.
5Беденимни къуртлар ве чамурлы къотур къаплады,
чатлагъан теримден ирин акъа.
6 dКуньлерим тез-тез кечелер ▼
▼Къ. еуд. сёзю-сёзюне «куньлерим токъуйыджынынъ аткъычындан тез кечелер» демектир.
,ишанчсыз битмектелер.
7Акълынъда тут, омюрим – бир ель эсмесидир,
козюм де бир даа яхшылыкъ корьмез.
8 fШимди манъа бакъкъан козьлер бир даа мени корьмейджек,
манъа бакъкъанынъда, мен ёкъ оладжагъым.
9Булутлар дагъылып ёкъ олгъаны киби,
олюлер дюньясына тюшкен бир даа чыкъмаз,
10 gбир даа эвине къайтмаз,
булунгъан ери де оны танымаз.
11Шунынъ ичюн индемейип отурмайджагъым,
юрек сыкъынтысынен айтаджагъым,
джаным агъырлыгъы акъкъында агъланаджагъым.
12Аджеба, мен санъа денъизимми? Я да денъиз джанаварыммы?
Не ичюн башыма къаравул къойдынъ?
13«Тёшегим манъа гонъюль берер,
ятагъым белямны алып кетер», – деп тюшюнгенимде,
14Сен мени тюшлернен къоркъутасынъ,
руяларнен отюмни патлатасынъ.
15Мени бирев богъып ташлагъайды,
бу хайырсыз беден ичине яшамакътан ольмек хайырлыдыр.
16 hБездим.
Яшайышым эбедий дегильдир.
Мени озь алыма къалдыр!
Яшагъан куньлерим бошунадыр!
Эюп Алланы чагъыра
17 iАдамларгъа не о къадар къыймет кесесинъ?Неден токътамайып олар акъкъында тюшюнесинъ?
18 jНеден Сен эр саба оны корьмеге келесинъ?
Неден Сен эр дакъкъа оны сынайсынъ?
19 kКозюнъни менден ич айырмайджакъсынъмы?
Тюкюригимни ютмагъа биле манъа вакъыт бермейджексинъми?
20 lГуна къазангъан олсам биле,
Санъа не зарар кетирир эдим,
эй, адамларнынъ къаравулы?
Нечюн мени токътамаздан урасынъ?
Нечюн санъа бир юк олдым?
21Нечюн гунамны багъышламайсынъ?
Нечюн къабаатымны кечирмейсинъ?
Энди топракъкъа киреджегим,
мени къыдырырсынъ, амма мен олмайджагъым.
Copyright information for
CrhCTB