Job 9
Эюпнынъ джевабы
Эюп Аллагъа къаршы турып оламайджагъы акъкъында айта
1Эюп бойле джевап берди: 2 a– Догъру! Керчектен де ойле олгъаныны билем,амма Алланынъ огюнде адам насыл акъланып олур?
3 bБирев Онен давалашмагъа истесе,
бинъ суалининъ бирине биле Онъа джевап берип оламаз.
4Онынъ акъылы буюк, кучю сонъсуздыр,
Онъа къаршы ким чыкъты да, сагъ къалды?
5Кунь эвельден хабер этмейип,
О, дагъларны тепретир,
гъазабында оларны аст-усть этер.
6 cДюньяны сарсытыр,
темеллерини титретир.
7О, кунешке буюрыр, ве кунеш догъмаз,
О, йылдызларны къаранлыкънен къаплай.
8 dЯнъгъыз О, коклерни ерлештирген
ве денъиз далгъаларыны бойсундыргъан.
9 eДжетемен йылдыз уюрини, Орионны, Улькерни,
дженюп йылдызларыны О, яраткъан.
10 fО, буюк ишлер ярата,
оларнынъ фаркъына бармакъ чареси ёкъ,
аджайип шейлерни косьтере,
оларнынъ ады-эсабы олмаз.
11Мына, янымдан кечсе, Оны корип оламам,
кечип кетсе, Оны сезмем.
12Эгер О, бир шей алмагъа истесе,
Оны кимсе токътатып оламаз,
«Недир эткенинъ?» – деп кимсе айтып олмаз.
13 gАлла гъазабыны ятыштырмаз,
Рахавнынъ ▼
▼Рахав – денъиз джанавары. Бельки, шу джанаварнынъ ады «гъурур» сёзюне манадаш олып келир ве Алланынъ душманы деп сайылыр. Даа 26.12 бакъ.
хызметчилерини О, енъер.14Онъа насыл джевап берип олурым?
Насыл сёзлернен файдаланайым?
15 iАкълы олсам биле, Онъа джевап бермем,
коклердеки Къадымдан тек мерамет истерим.
16Оны чагъыргъанда, О манъа джевап берсе де,
сесимни эшиткенине инанмаз эдим.
17О, боран киби, мени ура,
бир шейсиз яраларымны арттыра.
18Нефес алмагъа ёл бермей манъа,
омюримни дертке толдура.
19 jЭгер бу кучь сынавы олса,
О, артыкъ кучьлюдир.
Эгер суд олса,
Онен оладжакъ давамнынъ кунюни ким бельгилейджек?
20 kОзюмни акълап башласам, агъзым мени къабаатлар,
инсафлы олсам биле, О, мени къабаатлы саяр.
21 lКъабаатсызым мен,
джанымнен ишим ёкъ,
омюримни корьмеге истемейим.
22 mЭписи бир! Шунынъ ичюн дедим ки:
«О, инсафлыны да, яман адамны да ёкъ этер».
23Апансыздан къамчынен урар,
къабаатсызларнынъ азабына кулер.
24 nДюнья яманларнынъ къолуна берильгендир,
О исе къадыларнынъ козюни къапатыр.
Эгер Алла буны япмагъан олса, кимдир?
Эюп Алланынъ огюнде бутюнлей къуветсиз
25 oКуньлерим чабик хаберджиден тез чапа,яхшылыкъ корьмезден олар уча.
26Къамыштан япылгъан енгиль къайыкълар киби,
авына атылгъан къартал киби, кечмектелер.
27«Шикяетимни унутайым,
гъамлы чырайымны денъиштирип,
кулюмсирейим», – десем,
28эп бир бутюн дертлеримден къалтырарым,
чюнки мени акъламайджагъынъны билем.
29Мен къабаатлы чыкъарым,
неден бошуна чекишмеге?
30 pКъар сувунен ювунып,
эллеримни тер-темиз ювсам биле,
31мени кене кирге батырырсынъ,
урбаларым биле менден джиренир.
32 qО, мен дайын, бир адам дегильдир,
Онъа джевап бермем,
Онен берабер судгъа бармам.
33Бизни акълы-акъсыз деп къарар чыкъараджакъ,
арамызда тураджакъ кимсе ёкъ ▼
▼Метинде берильген терджиме еудий метафора «элини экимизнинъ устюне къоймакъ» манасыны акис эте.
.34Алла менден озь джеза таягъыны алсын,
О, мени къоркъузмакътан вазгечсин.
35О заман Ондан къоркъмайып, лаф этерим,
чюнки озюмни сербест дуярым.
Copyright information for
CrhCTB