a Еш 5.1
bЙрм 2.21; Мт 3.10; 7.19
cЮх 13.10
d1 Юх 2.6
e Мк 4.20; Юх 6.56; Рим 11.17; 1 Юх 3.24
fМт 13.42
gЮх 14.14
h Мт 3.17; Юх 5.20
i Юх 3.29; 16.24; 17.13; 1 Юх 1.4; 2 Юх 1.12
jЮх 13.34
kЮх 10.11; 1 Юх 3.16; Рим 5.7-8; Эф 5.2
lМк 3.35
mЮх 3.32; 8.26
n Мт 7.7-8; Мк 11.24; Юх 14.14; 16.23
o 1 Юх 2.7; 3.11; 2 Юх 1.5
pМк 13.13; Юх 7.7; 1 Юх 3.13
qЮх 8.23; 17.14
rМт 10.24; Лк 6.40; Юх 5.16; 13.16; 1 Кор 4.12; 2 Кор 4.9; 1 Тес 2.15; 2 Тим 3.12
sЮх 9.41
tЮх 5.23
uЮх 7.31; 10.37
vЗбр 34.19; 68.5
w Юх 14.17; 16.13; Фаал 5.32; 1 Юх 5.6-8

‏ John 15

Акъикъий юзюм асмасы

1 aМен – акъикъий юзюм асмасы олам, Бабам исе – багъджыдыр. 2 bМендеки мейва бермеген эр бир пытакъны О, кесип ташлай. Мейва берген эр бир пытакъны исе, даа чокъ мейва берсин деп, пытап темизлей. 3 cМеним сизге айткъан сёзюм ичюн сиз энди темизсинъиз. 4 dМенде олунъыз, Мен де сизде оладжагъым. Асмада къалмагъан пытакъ озь-озюнден мейва берип оламай; сиз Менде къалмасанъыз, мейва берип оламазсыз.

5 eМен – юзюм асмасы олам, сиз – пытакъларысынъыз. Менде олгъан, Мен де онда олгъан адам чокъ мейва бере. Менсиз исе ич бир шей япып оламайсыз. 6 fКим Менде олмаса, кесильген пытакъ киби атыладжакъ ве къуруйджакъ. Бойле пытакъларны джыйып, атешке атып якъалар. 7 gЭгер сиз Менде къалсанъыз ве сёзлерим сизде къалса, истегенинъизни соранъыз, сизге бериледжек. 8Сиз чокъ мейва берсенъиз ве Меним шегиртлерим олсанъыз, Бабам шерефленеджек.

9 hБабам Мени насыл севген олса, Мен де сизни ойле севдим. Меним севгимде булунынъыз. 10Мен Бабамнынъ эмирлерини тутып, Онынъ севгисинде булунам. Сиз де Меним эмирлеримни тутсанъыз, Меним севгимде булунаджакъсыз.

11 iМеним къуванчым сизде олсун ве сизинъ къуванчынъыз бутюнлей олсун деп, Мен бу сёзлерни сизге айттым. 12 jМеним эмирим шудыр: Мен сизни насыл севген олсам, сиз де бир-биринъизни ойле севинъиз. 13 kКим озь джаныны достлары ичюн берсе, бундан юксек севги ёкъ. 14 lЭгер сиз буюргъанларымны беджерсенъиз, сиз Меним достларымсыз. 15 mМен сизге энди «къул» демейим. Къул эфендисининъ не япкъаныны бильмей де. Сизге «достларым» дедим, чюнки сизге Бабамдан эшиткен эр шейни бильдирдим.

16 nСиз Мени сайлагъанынъыз дегиль, сизни Мен Озюм сайладым, юрмеге ве гъайып олмайджакъ мейва бермеге тайин эттим. Шунынъ ичюн, Меним Адымдан Бабадан не истесенъиз, О, сизге береджек.

Дюньянынъ нефрети

17 oМен сизге буюрам: бир-биринъизни севинъиз! 18 pЭгер дюньянынъ сизни кореджек козю олмаса, билинъиз ки, сизден эвель онынъ Мени кореджек козю ёкъ эди. 19 qСиз бу дюньядан олгъан олсанъыз, дюнья сизни озюнъки киби север эди. Амма сиз бу дюньядан олмагъанынъыз, Мен сизни дюньядан сайлап алгъаным ичюн, дюньянынъ сизни кореджек козю ёкъ. 20 r«Къул озь эфендисинден устюн дегиль», – деген лафны акъылынъызда тутунъыз. Эгер Мени къувгъан олсалар, сизни де къуваджакълар. Эгер Меним сёзлеримни туткъан олсалар, сизинъкилерини де тутаджакълар.

21Адамлар сизге бунынъ эписини Меним Адым ичюн япаджакълар, чюнки Мени Ёллагъанны бильмейлер. 22 sЭгер Мен келип оларгъа айтмагъан олсам, оларда гуна олмаз эди. Энди исе гунасына сылтав къалмады. 23 tМени кореджек козю олмагъан адамнынъ Бабамны да кореджек козю ёкъ. 24 uЭгер Мен оларнынъ арасында башкъалары асыл япып оламагъан ишлерни япмагъан олсам, оларда гуна олмаз эди. Энди исе ишлеримни корип, Мени де, Бабамны да кореджек козю олмады. 25 vЛякин себепсиз Мени кореджек козьлери къалмагъаны акъкъында Къанунында язылгъан сёзлер беджерильмек керек.

26 wБабамдан Мен сизге Къорчалайыджыны ёллайджам. О, Бабамдан чыкъаяткъан Акъикъат Рухудыр. О кельгенде, Меним акъкъымда шаатлыкъ этеджек. xСиз де шаатлыкъ этеджексиз, чюнки сиз башындан Меннен берабер эдинъиз.27
Copyright information for CrhCTB