Jonah 2
Юнуснынъ дувасы
1 aРАББИ буюк бир балыкъны йиберди, ве балыкъ Юнусны ютты. Юнус балыкънынъ ичинде учь кунь ве учь гедже отурды. 2Балыкънынъ ичинден РАББИ-Таалясына дува этип, 3 bбойле деди: – Къаза-белягъа огърагъанымда,мен РАББИге ялвардым,
ве О, манъа джевап берди.
Мезар къапусы огюнде тургъанымда,
къыямет къопардым,
ве Сен меним сесимни эшиттинъ.
4 cСен мени теренликлерге, денъиз тюбюне ташладынъ.
Акъар сувлар мени сарды,
бутюн Сенинъ къуветли далгъаларынъ устюмден кечти.
5О вакъыт: «Сенинъ огюнъден къувулдым,
амма кене Мукъаддес Сарайынъа бакъаджагъым», – дедим.
6 dСувлар мени бус-бутюн къаплады,
буюк теренлик чекип алды,
башымны ешиль денъиз отлары сарды.
7Дагъларнынъ темелине къадар тюштим,
ер мени эбедиен къапатты.
Лякин Сен, РАББИ-Таалям,
джанымны о бир дюньядан къуртардынъ.
8 eДжаным такъатсыз олгъанда,
Сени, РАББИмни, хатырлап, дува эттим,
ве Сен дуваларымны Мукъаддес Сарайынъда эшиттинъ.
9 fБош шейлерге инангъан адамлар
Санъа садыкълыгъыны унуттылар.
10 gМен исе Санъа макътав йырымнен къурбан чаладжагъым,
берген сёзюмни беджереджегим.
Ялынъыз Сен, РАББИ, къуртара билесинъ!
11Сонъ РАББИ балыкъкъа буюрды, ве балыкъ Юнусны ичинден ялыгъа тюкюрип ташлады.
Copyright information for
CrhCTB