‏ Lamentations 5

Мерамет ичюн дува

1Я РАББИ, бизнен не олгъаныны унутма!
Бакъ да, масхаралыгъымызны корь.
2 ^aМал-мулькюмиз – душманларымызгъа кечти,
эвлеримиз ябанджыларгъа тюшти.
3Оксюз, бабасыз къалдыкъ;
аналарымыз – тул къадынлар кибидир.
4Сувумызгъа кумюш беремиз;
акъча берип, одунларымызны аламыз.
5Къувалайыджымыз артымыздан къувалай,
раатлыкъ бильмезден чалышамыз.
6 ^bМысыргъа къол узатамыз,
ашлыкъ ичюн Ашшургъа ялварамыз.
7 ^cБабаларымыз гуна япты ве ёкъ олды,
оларнынъ къабаатлары ичюн биз джезаланамыз.
8Къуллар бизге башлыкъ этелер,
оларнынъ къолундан къуртараджакъ ёкъ.
9Отьмек ичюн джан бермеге азырмыз,
сахрада бизни къылыч къоркъуза.
10Якъыджы ачлыкътан
теримиз соба киби сыджакъ.
11 ^dСионда апайларамызнынъ,
Ехуда шеэрлеринде къызларымызнынъ намусына токъуналар.
12 ^eДушманлар башлыкъларымны астылар,
акъсакъалларны урьмет этмейлер.
13 ^fДегирмен ташларнен йигитлер ун чекелер,
агъыр одун юкю ташып, яш огъланлар сюрюнелер.
14Шеэр къапуларында акъсакъаллар отурмай,
йигитлер энди йырламай.
15 ^gЮрегимизнинъ къуванчы битти,
оюнларымыз агълавгъа чевирильди.
16 ^hТаджымыз башымыздан тюшти;
бизге беля; гуна яптыкъ!
17Шунынъ ичюн юреклеримиз сызлай,
козьлеримиз бунарланды.
18Сион дагъы бакъымсыз къалды,
устюнде тилькилер юрелер.
19 ⁱЯ РАББИ, Сен эбедиен падишалыкъ этесинъ!
Тахтынъ несиллерден несиллерге турар!
20 ^jНе ичюн бизни бутюнлей унутасынъ?
Нечюн бизни о къадар чокъ вакъыткъа къалдырасынъ?
21– 22 ^kЯ РАББИ, бизни бутюнлей терк эткен олсанъ да,
бизге къарардан зияде ачувлангъан олсанъ да,
эвель куньлеримизни къайтар,
бизни Озюнъе чевир,
ве биз къайтармыз.