Lev 24:5-9 | CrhCTB | STEP | Энъ яхшы богъдай унуны алып, он эки пите пишир. Эр питеде эки чанакъ ун олсун.

‏ Leviticus 24:5-9

Пителер акъкъында къарарнаме

5 Энъ яхшы богъдай унуны алып, он эки пите пишир. Эр питеде эки чанакъ ^{▼▼Эки чанакъ – къ. еуд. «(эфанынъ) он пайда эки пайы».} ун олсун. 6 ^bОларны алтышар-алтышар эки сырагъа РАББИнинъ огюне темиз стол устюне къой. 7 Эр бир сыра устюне темиз къокъулы май къой. Бу, эслетме оларакъ, пите янында олып, РАББИге атеште якъыладжакъ бахшыш олсун. 8 Исраиль огъуллары адындан пителерни эр вакъыт, эр раатлыкъ куню РАББИ огюне къоймакъ керек. Бу, эбедий васиеттир. 9 ^cПителер Харуннынъ ве онынъ огъулларынынъки олсун. Олар пителерни азиз ерде ашасынлар. РАББИнинъ бахшышларындан бу оларгъа улу азизликтир. Бу, эбедий низамнамедир.