Luke 2:1-7
Иса Месихнинъ догъулувы
1 a bО вакъыт Римнинъ императоры Август бутюн эалини джедвельге чекмеге эмир этти. 2Суриеде Кириний укюмдарлыкъ япкъанда, бу джедвель биринджи эди. 3Эр кес озь шеэрлерине язылмакъ ичюн кеттилер. 4 cЮсуф да, Галилея виляетининъ Назарет шеэринден чыкъып, Еудиедеки Давут Шеэрине Вифлеемге ёл алды, чюнки о, Давутнынъ союндан олып, онынъ эвлятларындан бири эди. 5О, юклю олгъан нишанлысы Мерьемнен берабер язылмагъа кетти. 6Олар Вифлеемде олгъанда, Мерьемнинъ догъураджакъ вакъты кельди. 7Мусафирханеде оларгъа ер тапылмагъаны ичюн, о биринджи огълуны ахырда догъурды ве къундакълап айван ашлавына яткъызды.
Copyright information for
CrhCTB