Luke 5:27-32
Иса Левийни (Маттаны) чагъыра
27 aБундан сонъ Иса о ерден чыкъты. Салым топлангъан еринде чалышкъан Левий адлы салым топлайыджыны корьди ве онъа: – Меним артымдан юр! – деди. 28Левий еринден турды, эр шейни ташлап, Исанынъ артындан кетти. 29 bСонъ озь эвинде Иса ичюн буюк той япты. Мусафирлер арасында пек чокъ салым топлайыджылар ве башкъа адамлар бар эди. 30 cФериселер ве Къанун оджалары Исанынъ шегиртлерине: – Сиз не ичюн салым топлайыджыларнен ве башкъа гуналыларнен бирликте ашап-ичесиз? – деп мырылдап башлады. 31Иса оларгъа: – Эким сагъламларгъа дегиль, хасталаргъа керек. 32 dМен инсафлы адамларны дегиль, гуналыларны тёвбе этмеге чагъырмакъ ичюн кельдим, – деп джевап берди.
Copyright information for
CrhCTB