Luke 9:37-43
Иса джин ургъан баланы тедавийлей
37 aЭртеси куню олар дагъдан тюшкенде, Исаны пек чокъ адам къаршылады. 38Бирден халкъ ичинден бир адам багъырып: – Оджам, Санъа ялварам, огълумны бакъса, о меним бирден-бир балам! 39Онъа джин уджюм эте, ве о пек къычыра. Джин оны, дудакъларында копюк чыкъкъандже, сарсыта, оны пек чекиштирип, зорнен къалдыра. 40Мен Сенинъ шегиртлеринъе джинни къувмагъа ялвардым, лякин оларнынъ къолундан кельмеди, – деди. 41Иса бунъа джевап берип: – Эй, имансыз ве бозукъ адамлар! Мен сизнен даа не къадар оладжам? Сизге не къадар чыдап тураджам? Огълунъны бу ерге кетир! – деди. 42 bБала Исагъа якъынлашкъанда, джин оны ерге йыкътырып сарсытты. Лякин Иса арам рухкъа баланы къыйнамагъа ясакъ этти, баланы тедавийледи ве бабасына берди.Иса кене Озь олюми акъкъында айта
43 cЭр кес Алланынъ улулыгъына шаша эди. Эписи адамлар Исанынъ япкъан ишлеринден тааджипленген вакъытта, О, Озь шегиртлерине:
Copyright information for
CrhCTB