‏ Mark 15

Иса аким Пилатнынъ огюнде

1 ^a‌ ^bСаба танъ аткъанынен, баш руханийлер, акъсакъаллар, Къанун оджалары ве бутюн Юксек Шура топланып, мушавере яптылар. Сонъ, Исанынъ къолларыны багълап, Пилатнынъ огюне алып бардылар.

2 ^cПилат Исадан:

– Еудийлернинъ Падишасы Сен оласынъмы? – деп сорады. Иса онъа:

– Буны сен озюнъ айтасынъ, – деп джевап берди.

3Баш руханийлер Оны чокъ шейлерде къабаатлай эдилер. 4 ^dПилат Онъа даа бир кере:

– Сенинъ ич бир джевабынъ ёкъмы? Бакъса, Санъа къаршы къабаатлавлар пек чокъ! – деди.

5 ^eЛякин Иса ич бир джевап бермеди. Бу, Пилатны пек шашырды.

Иса хачкъа мыхланмакъ ичюн бериле

6 ^fЭр Песах Байрамында Пилат халкъ истеген бир мабюсни азат эткен. 7О вакъыт Барабба ве башкъа исьянджылар зинданда отура эди. Олар исьян котерип, бир адам ольдюргенлер. 8Халкъ Пилаткъа келип, ондан эр даим япкъан ишни эда эткенини сорай башлады. 9Пилат олардан:

– Истейсизми, сизге еудийлернинъ Падишасыны азат этейим? – деп сорады. 10 ^gО, баш руханийлер Исаны пахыллап теслим эткенлерини анълай эди. 11 ^hБаш руханийлер исе, Онынъ ерине Бараббаны азат эткенини талап этинъ деп, халкъны къозгъалдылар. 12Пилат олардан кене:

– Сизлер еудийлернинъ Падишасы деп адландыргъан адамнен не япайым? – деп текрарлап сорады.

13– Оны хачкъа мыхлап къой! – деп къычырды олар. 14 ⁱПилат исе:

– О не яманлыкъ япты? – деди.

Амма олар даа бетер багъырып:

– Оны хачкъа мыхлап къой! – дедилер.

15 ^jХалкънынъ козюне кирмеге истеген Пилат оларнынъ огюне Бараббаны чыкъарып йиберди. Исаны исе къамчылап, хачкъа мыхламакъ ичюн аскерлерге берди.

Исаны масхара этелер

16 ^kАскерлер Исаны преториягъа ▼

▼Претория – укюмдар Пилат яшагъан ве римли аскерлер яткъан ер.

алып бардылар ве анда бутюн арбий болюкни ▼

▼Арбий болюк – къ. юн. «спейра» – «легион»нынъ он пайындан бир пайы, 600 аскер.

топладылар. 17Исанынъ устюне мор тюслю урба ▼

▼Бунъа ошагъан урбаны тек падишалар кие эдилер.

кийдирдилер ве башына тикенден орюльген тадж кечирдилер. 18Сонъ:

– Яшасын еудийлернинъ Падишасы! – деп къычырдылар. 19 ^oТаякъларнен Онынъ башына урып, бетине тюкюрип ве алдында тиз чёкип, седжде эттилер. 20Оны шойле масхара эткен сонъ, мор тюслю урбасыны чыкъарып, Озюнинъ урбаларыны кийдирдилер ве хачкъа мыхламакъ ичюн алып кеттилер.

Исаны хачкъа мыхлайлар

21 ^p‌ ^qЭскендер ве Руфуснынъ бабасы, киренели Симон адлы бир адам тарладан келип, шу ерден кечип кетеята эди. Бу адамны Исанынъ хачыны котерип бармагъа меджбур эттилер.

22Исаны «Къафа Ери» манасыны анълаткъан, Голгофа деген ерге алып кельдилер. 23Онъа мюр къошулгъан шарап бердилер, лякин О ичмеди. 24 ^rБундан сонъ Исаны хачкъа мыхлап астылар ве, джереп чекип, ким не аладжакъ деп, Онынъ урбаларыны пайлаштырдылар.

25Оны хачкъа мыхлап аскъанда, саба саат докъуз эди. 26Хачта: «Еудийлернинъ Падишасы» – деп, Онынъ къабаатыны косьтерген язы бар эди. 27– 28Исанен берабер эки айдутны – бирисини Онынъ онъ тарафында, башкъасыны сол тарафында хачкъа мыхладылар. 29 ^sКечип кетеяткъанлар башларыны саллап, Исагъа куфюр сёзлер айта эдилер:

– Эй, Сен, Алланынъ Сарайыны йыкъкъан ве учь кунь ичинде къургъан адам! – дедилер. 30– Озюнъни къуртарса, хачтан тюшсе!

31 ^tБаш руханийлер ве Къанун оджалары да, оларгъа къошулып, Оны мыскъыллай эдилер. Олар бир-бирине:

– Башкъаларны къуртара эди, Озюни исе къуртарып оламай! 32 ^uБу Месих, Исраильнинъ Падишасы, хачтан тюшсюн. О вакъыт биз буны корип, инанырмыз! – дей эдилер. Исанен берабер хачларгъа мыхлангъанлар да Оны сёге эдилер.

Исанынъ олюми

33 ^vУйле вакътындан саат учьке къадар бутюн дюньяны къаранлыкъ басты. 34 ^wСаат учьте Иса къатты сеснен:

– Элои, Элои, лема савахтани? – деп къычырды.

Бу сёзлернинъ терджимеси: «Аллам, Аллам! Сен не ичюн Мени къалдырып кеттинъ?» – демектир.

35О ерде тургъанларнынъ базылары, буны эшитип:

– Бакъынъыз, О, Ильясны чагъыра, – дедилер.

36 ^xБириси исе, чапып барып, сюнгерни экши шарапкъа батырып, таякъ уджуна илиштирди де, Исагъа узатты. Сонъ:

– Токътанъыз, бакъайыкъ, Ильяс келип, Оны хачтан тюшюрир экенми? – деди.

37Амма Иса, даа бир кере къычырып, сонъки нефесини чыкъарды. 38 ^yШу ань Алланынъ Сарайындаки перде тёпеден ашагъадже йыртылып, экиге болюнди. 39Исанынъ къаршысында тургъан юзбашы, Онынъ джан бергенини корип:

– Акъикъатен бу Адам – Алланынъ Огълу экен! – деди.

40 ^zО ерде узакътан бакъып тургъан къадынлар бар эди. Олар арасында магдалалы Мерьем, кучюк Якъупнен Йосенинъ анасы Мерьем ве Саломе бар эдилер. 41Иса Галилеяда олгъанда, олар Онъа хызмет этип, пешинден юре эдилер. О ерде Исанен Ерусалимге кельген башкъа къадынлар да бар эди.

Исанынъ дефн этилюви

42 ^aaЭнди акъшам олгъан эди. Бу – азырланув куню, яни раатлыкъ кунюнинъ арфеси эди. 43Шуранынъ итибарлы азасы, Алла Падишалыгъыны беклеген ариматеялы Юсуф, бутюн джесюрлигини топлап, Пилатнынъ огюне барды ве Исанынъ джеседини сорады. 44Пилат Исанынъ бойле тез ольгенине шашты. Юзбашыны чагъырып:

– О, чокътан ольдими? – деп сорады.

45Юзбашыдан джевап алгъан сонъ, джесетни Юсуфкъа берди. 46 ^abЮсуф кетен без сатын алды, Исаны хачтан тюшюрип, безнен Онынъ тенини сарды. Сонъ Исаны къаяда оюлгъан къабирде дефн этти, бир ташны юварлатып кетирип, къабирнинъ агъзыны къапатты. 47Магдалалы Мерьем ве Йосенинъ анасы Мерьем Исанынъ дефн этильген ерини корьдилер.