a Мт 28.16-20; Лк 24.36-49; Юх 20.19-23; Фаал 1.6-8
bФаал 1.8; Кол 1.23
cЮх 3.18; Фаал 16.31; Рим 10.9; 1 Пётр 3.21
dЛк 10.17; Фаал 2.4; 5.16; 8.7; 10.46; 16.18; 19.12; 1 Кор 12.10; 14.2
eЗбр 90.13; Лк 10.19; Фаал 9.12; 28.3-5, 8

‏ Mark 16:14-18

Иса он бир шегиртине корюне

14 aСонъунда Иса, аш вакътында янбашлап отургъан он бир шегиртине корюнди. Иса оларны имансызлыгъында ве юреклери таш киби олгъанында айыплады, чюнки олар тирильген Исаны корьген адамларгъа инанмагъан эди. 15 bИса шегиртлерине:

– Бутюн дюньяны айланып чыкъынъ ве яратылгъаннынъ эписине Къуванчлы Хаберни илян этинъ! 16 cКим инанып, сувгъа батырылып чыкъса, къуртарыладжакъ. Инанмагъан исе укюм этиледжек. 17 dКъайда инангъанлар олса, анда бойле бельгилер оладжакъ: Меним Адымдан олар джинлерни къувып чыкъараджакълар, эвель бильмеген тиллерде лаф этеджеклер, 18 eкъолларынен йыланларны аладжакълар. Эгер ольдюриджи зеэр ичселер, оларгъа зарар олмайджакъ. Хасталаргъа къолларыны къояджакълар, ве олар сагълам оладжакълар, – деди.
Copyright information for CrhCTB