Mat 28 | CrhCTB | STEP | ‌ Раатлыкъ куню кечкен сонъ, афтанынъ биринджи кунюнде , саба танъда магдалалы Мерьемнен башкъа Мерьем къабирни бакъмагъа бардылар.

‏ Matthew 28

Исанынъ тирилюви

1 ^a‌ ^bРаатлыкъ куню кечкен сонъ, афтанынъ биринджи кунюнде ^{▼▼Афтанынъ биринджи куню – раатлыкъ кунюнден сонъ кельген кунь, шимдики базар куню.}, саба танъда магдалалы Мерьемнен башкъа Мерьем къабирни бакъмагъа бардылар. 2 ^dБирден кучьлю зельзеле олды. Бу Алланынъ мелеги коктен энди ве къабирнинъ янына барып, ташны четке авдарды ве устюне отурды. 3 ^eОнынъ корюниши яшынгъа ошай, урбалары исе къар киби бем-беяз эди. 4 ^fКъобаны къаравуллагъан аскерлер къоркъудан къалтырадылар ве ольген киби олдылар. 5 Мелек исе къадынларгъа:

– Къоркъманъыз! Хачкъа мыхлангъан Исаны къыдыргъанынъызны билем. 6 О мында ёкъ. Сизлерге айткъаны киби, О тирильди. Келинъиз, Раббинъиз яткъан ерини бакъынъыз. 7 ^gЭнди тез барынъыз да, Онынъ шегиртлерине: «Иса тирильди! О сизлерден эвель Галилеягъа бараджакъ. Сиз Оны анда корерсиз», – денъиз. Энди Мен сизлерге эписини айттым, – деди.

8 Къадынлар тез-тез къабирден чыкъып, буюк къуванчнен къоркъугъа толып, Исанынъ шегиртлерине хабер этмеге чаптылар. 9 ^hАпансыздан оларнынъ къаршысына Исанынъ Озю чыкъып:

– Мерабанъыз! – деди. Къадынлар Онынъ янына чапып бардылар ве аякъларыны къучакълап, теменна эттилер. 10 ⁱИса оларгъа:

– Къоркъманъыз! Барып, къардашларыма айтынъыз, Галилеягъа барсынлар. Олар Мени анда корерлер, – деди.

Къаравуллар баш руханийлерде

11 Къадынлар ёлда олгъанда, къабирни къоругъан бир къач къаравул барып, баш руханийлерге олгъан шей акъкъында хабер эттилер. 12 Олар акъсакъалларнен топланып, акъыл таныштылар ве аскерлерге чокъ пара берип:

13 – «Гедже юкълагъанымызда, Онынъ шегиртлери келип, джеседини хырсызлап кеттилер», – денъиз, – деп оларны огреттилер. 14 – Эгер бу иш акимнинъ къулагъына етсе, бизлер оны ишандырырмыз ве сизлерни белядан къуртарырмыз.

15 Аскерлер акъчаны алып, баш руханийлер оларны огреткени киби яптылар. Бу хабер еудийлер арасында кенъ даркъалып, бугуньки куньлергедже яшап кельмекте.

Буюк вазифе

16 ^jОн бир шегирт Галилеягъа, Иса оларгъа буюргъан дагъгъа кеттилер. 17 ^kИсаны корип, Онъа табындылар. Базылары исе шубелендилер. 18 ^lИса оларгъа якъынлашып, лафыны башлады:

– Манъа кокте де, ерде де бутюн акимиет берильди. 19 – 20 ^mШунынъ ичюн барып, эписи халкълардан адамларны Меним шегиртлерим япынъыз. Оларны Коклердеки Баба, Огъул ве Мукъаддес Рух Адынен сувгъа батырып чыкъарынъыз, Мен сизлерге буюргъан эр шейни тутмагъа огретинъиз. Унутманъыз ки, Мен эр вакъыт, дюньянынъ сонъунадже сизлернен олурым!