a Мк 1.1-8; Лк 3.1-9, 15-17; Юх 1.19-28
bЛк 1.80; Юх 1.6
c Мк 1.15
d Еш 40.3
e Лев 11.22; 1 Пад 14.26; 4 Пад 1.8
fФаал 19.18
g Мт 12.34; 23.33; Рим 5.9; 1 Тес 1.10
hЮх 8.33
iМт 7.19
jЁэль 2.28; Юх 1.15; Фаал 2.3
kЕш 30.24; Мал 4.1; Мт 13.30; Еуд 6.8
l Мк 1.9-11; Лк 3.21-22
m Еш 11.2; Юх 1.32-33; Фаал 7.56
nЕш 42.1; Мт 17.5; Мк 9.7; Юх 12.28; 2 Пётр 1.17

‏ Matthew 3

Сувгъа Батырып Чыкъарыджы Ягъянынъ огреткени

1 a‌ bШу куньлерде Еудиенинъ сахрасында Сувгъа Батырыджы Ягъя пейда олды. О адамларгъа:

2 c– Тёвбе этинъиз! Кок Падишалыгъы энди пек якъын! – деп илян эте эди.

3 dЕшая пейгъамбер Ягъянынъ акъкъында шойле айткъан: Сахрада бир адам къычыра:
– Раббининъ ёлуны азырланъыз,
кечеджек ерлерини тюм-тюз этинъиз!

4 eЯгъя деве юнюнден орюльген урба кийип, белине мешин къушакъ багълап юре эди. Онынъ ашагъан ашы исе чегертки ве кийик бал эди. 5Ерусалимде, бутюн Еудие ве Иордан озенининъ этрафында яшагъанлар онынъ алдына келе эдилер, 6 fозь гуналарыны айта эдилер. Ягъя кельгенлерни Иордан озенининъ сувуна батырып чыкъара эди.

7 gЯгъянынъ алдына чокъ ферисе ве саддукий де сувгъа батырылып чыкъмагъа кельгенлерини корип, о оларгъа:

– Эй, йылан союндан олгъанлар! Башынъызгъа келеяткъан Алланынъ гъазабындан къачып къуртуладжагъынъызны сизге ким огретти? – деди. 8– Тёвбе эткенинъизни озь ишлеринъизнен исбат этинъиз! 9 hЛякин ичинъизден: «Ибраим бизим бабамыз!» – деп, ич тюшюнменъиз. Мен сизлерге шуны айтам: Алла Ибраимге балаларны мына бу ташлардан япа биле. 10 iШимди тереклернинъ тамырлары янында балта азыр ята. Яхшы мейва бермеген эр бир терекни кесип, атешке ташларлар. 11 jМен сизни сувгъа батырып темизлейим. Бу – тёвбе бельгисидир. Амма артымдан Келеяткъан менден къудретлидир. Мен Онынъ аякъкъапларыны котерип, пешинден кетмеге биле ляйыкъ дегилим. О сизлерни Мукъаддес Рухнен ве атешнен темизлейджек. 12 kО энди Озюнинъ махсус курегинен богъдайны кепектен айырмагъа азыр. О, Озь арманыны темизлейджек: богъдайны анбаргъа топлап, кепекни сёнмез атеште якъаджакъ.

Ягъя Исаны сувгъа батырып чыкъара

13 lО вакъыт Ягъянынъ огюне, сувгъа батырылмакъ ичюн, Галилеядан Иордан озени янына Иса кельди. 14Ягъя башта Оны токътатмагъа истеп:

– Мен озюм Санъа барып сувгъа батырылмакъ керегим. Сен исе манъа кельгенсинъ! – деди. 15Иса онъа джевап берип:

– Шимди шай олсун, бизге Алланынъ истегенини япмакъ керек, – деди. Ягъя разы олды.

16 mБатырылгъан сонъ, Иса аман сувдан чыкъты. Шу ань Онынъ огюнде кок ачылды да, Иса Алланынъ Рухуны корьди: О, гогерджин киби ашагъа энип, Исагъа къонды. 17 nКоклерден:

– Бу – Меним севимли Огълумдыр! Мен Ондан разым! – деген сес эшитильди.
Copyright information for CrhCTB