‏ Matthew 16:21-23

Иса Озь азаплары, олюми ве тирилюви акъкъында эвельден айта

21 abШу вакъыттан башлап, Иса шегиртлерине Онъа Ерусалимге бармагъа кереклигини, анда акъсакъаллар, баш руханийлер ве Къанун оджалары къолунда чокъ азап чекип, ольдюриледжегини, амма учюнджи куню тириледжегини ачыкъ-айдын айтып башлады.

22Пётр Оны четке чекип:

– Алла сакъласын, Раббим! Сеннен бойле шей ич бир вакъыт олмаз! – деп, Оны азарлап башлады.

23 cИса исе айланып:

– Ёкъ ол козюмден, Шейтан! Сен Мени ёлдан урасынъ! Сен Алланынъ ишлерини дегиль, адам ишлерини тюшюнесинъ, – деди Пётргъа.
Copyright information for CrhCTB