Matthew 9:27-31
Иса эки кёр адамны тедавийлей
27 aИса о ерден кеткенде, Онынъ артындан эки кёр адам такъылды. – Эй, Давут Огълу Иса, бизге мерамет эт! – деп къычырып ялвардылар. 28Иса эвге кирген сонъ, Онынъ янына кёр адамлар кельдилер. Иса олардан: – Мен истегинъизни япа биледжегиме инанасызмы? – деп сорады. – Инанамыз, Эфендим! – деп джевап берди олар. 29 bИса оларнынъ козьлерине тийип: – Сизинъ иманынъызгъа коре олсун, – деди. 30 cСокъурларнынъ козьлери ачылды. Иса исе оларгъа къатты сеснен тенбиелеп: – Буны ич кимсе бильмесин! – деди. 31 dАмма олар кетип, Онынъ акъкъында хаберни бутюн этрафларда даркъаттылар.
Copyright information for
CrhCTB