Numbers 15
Къурбанлар акъкъында къанунлар
1РАББИ Мусагъа бойле деди: 2– Исраиль халкъына бойле айт: Яшамакъ ичюн Мен сизге берген мемлекетке кирген сонъ, 3 aтуварларны я да къой-эчкилерни къурбан чалынъыз, къурбанларны – бутюнлей якъыладжакъ къурбан, адакъ къурбаны, озь истегинен берильген къурбан, я да байрам къурбаны – атеште якъып, РАББИге багъышланъыз ве РАББИ ичюн гузель къокъу чыкъарынъыз. 4Озь къурбаныны кетирген адам РАББИге ашлыкъ бахшышы оларакъ ярым чанакъ зейтюн ягъынен къарыштырылгъан бир чанакъ ▼▼Ярым чанакъ; бир чанакъ – къ. еуд. «хиннинъ дёртте бир пайы», «(эфанынъ) онда бир пайы».
энъ яхшы унны кетирсин. 5Бутюнлей якъыладжакъ къурбанны я да башкъа бир къурбанны кетиргенинен, бундан гъайры даа тёкюледжек бахшыш оларакъ эр къозунен берабер ярым чанакъ шарап кетир. 6Бир къочкъарны кетиргенде, ашлыкъ бахшышы оларакъ чанакънынъ учьте экиси зейтюн ягъынен къарыштырылгъан эки чанакъ ▼▼Чанакънынъ учьте экиси; эки чанакъ – къ. еуд. «хиннинъ учьте бир пайы», «(эфанынъ) онда эки пайы».
энъ яхшы богъдай унуны кетир. 7Тёкюледжек бахшыш оларакъ чанакънынъ учьте экиси шарапны кетир. О, РАББИге гузель къокъу олсун. 8 dБутюнлей якъыладжакъ къурбан, адакъ къурбаны я да аманлыкъ къурбаны оларакъ бир бузавны РАББИге кетиргенде, 9бузавнен берабер ашлыкъ бахшышы оларакъ бир чанакъ зейтюн ягъынен къарыштырылгъан учь чанакъ ▼▼Бир чанакъ; учь чанакъ – къ. еуд. «ярым хин», «(эфанынъ) онда учь пайы».
энъ яхшы богъдай унны кетир. 10 fТёкюледжек бахшыш оларакъ бир чанакъ шарапны кетир. О, РАББИге гузель къокъу олсун. 11Эр бир бугъаны, къочкъарны, къозу я да улакъны кетиргенде, бойле япынъыз. 12Къач айван къурбан оларакъ кетирсенъиз, эр бири ичюн айны шейлерни япынъыз. 13Бу шейлерни эр бир исраилли япсын, атеште къурбанларны якъып, РАББИге гузель къокъу чыкъарсын. 14Аранъызда ерлешкен кельмешек я да келеджек несиллеринъизде сизлерде яшамакъ ичюн кельген эр бир адам РАББИге гузель къокъу чыкъармакъ ичюн, атеште якъыладжакъ къурбанны кетирмеге истесе, эр бир шейни сиз киби япсын. 15 gДжемаат! Сизлерге ве аранъызда яшагъан кельмешекке бир низамнаме олсун. Бу низамнаме сизинъ несиллеринъизге эбедий олсун. Эм сизлер, эм кельмешеклер РАББИнинъ огюнде олунъыз. 16Сизлер ве аранъызда яшагъан кельмешеклер ичюн бир къанун ве бир къарар олсун. 17РАББИ Мусагъа бойле деди: 18– Исраиль огъулларына бойле айт: Сизни кирсетеджек мемлекетке кирген сонъ, 19 hо топракънынъ отьмегини ашагъанынъызда, РАББИге котериледжек бахшыш кетиринъиз. 20Котериледжек бахшыш оларакъ биринджи хамырынъыздан япылгъан питени кетиринъиз. Оны арман бахшышы киби кетиринъиз. 21Бутюн несиллеринъиз биринджи хамырынъыздан РАББИге котериледжек бахшыш берсинлер. 22 iЭгер сиз янълышып, РАББИ Мусагъа айткъан бутюн эмирлерини беджермесенъиз, 23РАББИ сизге Мусанен эр бир буюргъаныны, РАББИ сизге ве келеджек несиллеринъизге эмир этеджеклерини ерине кетирмесенъиз, 24 jбу аселет япылмаса ве джемаат бунынъ акъкъында бильмеген олса, бутюн джемаат бутюнлей якъыладжакъ къурбан оларакъ бир бузавны кетирсин ве РАББИге гузель къокъу чыкъарсын. Къараргъа коре ашлыкъ бахшышы ве тёкюледжек бахшышны къошсун. Сонъ бир улакъны гуналар ичюн къурбан оларакъ кетирсинлер. 25Руханий бутюн Исраиль огъулларынынъ джемааты ичюн одеме этсин, ве халкъ багъышланаджакъ. Бу – янълыш эди ве бу янълыш ичюн олар РАББИге атеште якъыладжакъ бахшышларны ве гуналары ичюн къурбанны кетирдилер. 26Бутюн Исраиль огъулларынынъ джемааты да, арасында яшагъан кельмешеклер де багъышланаджакълар, чюнки бутюн халкъ буны янъылып япты. 27 kЭгер бирде-бир адам бильмеден гуна япса, гуналар ичюн къурбан оларакъ бир йыллыкъ эчкини алып кетирсин. 28Сонъ янъылып гуна япкъан адамнынъ гунасы ичюн руханий РАББИнинъ огюнде одеме этсин. Одеме этильген сонъ, шу адам багъышланаджакъ. 29 lЯнъылып гуна япкъан адам ичюн – эм исраилли, эм аранъызда яшагъан кельмешек ичюн – бир къанун олсун. 30 mИсраиллилерден я да кельмешеклерден бири билип-турып гуна япса, РАББИге сайгъысызлыкъ бильдире. О джан халкъ арасындан ёкъ этильсин. 31О, РАББИнинъ сёзюни урьмет этмеди ве Онынъ эмирини бозды. О джан мытлакъа ёкъ этильсин, къабааты онынъ устюнде къалсын. Раатлыкъ кунюни бозгъан адам акъкъында
32 nИсраиль огъуллары сахрада олгъанда, раатлыкъ куню одун джыйгъан адамны таптылар. 33Одун джыйгъанны туткъан адамлар оны Муса, Харун ве бутюн джемаат огюне кетирдилер. 34 oАдамгъа не япыладжагъы белли олмагъанда, оны къаравулларнынъ незарети алтында къалдырдылар. 35 pРАББИ Мусагъа: – Шу адам ольмек керек. Ордудан тыш бутюн джемаат оны ташнен урып ольдюрсин, – деди. 36Бутюн джемаат адамны ордудан тыш чыкъарып, РАББИ Мусагъа насыл эмир эткени киби, оны ташнен урып ольдюрдилер.Пускюллер акъкъында къаиделер
37РАББИ Мусагъа бойле деди: 38 q– Исраиль огъулларына бойле айт: Бутюн несиллеринъиз урбаларынъызнынъ кенарына пускюллер тикинъиз. Эр пускюльнинъ ичине мор юньден япылгъан йипни кирсетинъиз. 39Сизде пускюллер олгъанда, пускюллерге бакъкъан вакъытта сиз РАББИнинъ эписи эмирлерини акълынъызгъа кетиреджексинъиз ве оларны беджереджексинъиз. Сонъ сизни садыкълыкъ ёлундан ургъан юреклеринъизнинъ ве козьлеринъизнинъ артындан бармайджакъсынъыз, 40 rамма бутюн эмирлеримни акълынъызда тутаджакъсынъыз, оларны беджереджексинъиз ве Алланъызнынъ огюнде азиз оладжакъсынъыз. 41 sМен – РАББИм, сизинъ Алланъыз. Сизинъ Алланъыз олмакъ ичюн, Мен сизлерни Мысыр топрагъындан чыкъардым! Мен – РАББИм, сизинъ Алланъыз!
Copyright information for
CrhCTB