‏ Numbers 26

Исраильнинъ экинджи кере сайылувы

1Ёкъ этилювден сонъ, РАББИ Мусагъа ве руханий Харуннынъ огълу Элазаргъа:

2 ^a– Исраиль огъулларынынъ бутюн джемаатыны, йигирми ве йигирми яшындан буюк олгъан акъайларны эсапланъыз. Къоранталарына коре Исраильде дженкке ярагъан эписини сайынъыз, – деди.

3Муса ве руханий Элазар Моав тегизлигинде, Иорданнынъ янында, Ерихон къаршысында халкъкъа:

4– РАББИ Мусагъа буюргъаны киби, йигирми ве даа буюк яштаки акъайларны сайынъыз, – деди.

Мысыр топрагъындан чыкъкъан исраиллилер булардыр:

5 ^bИсраильнинъ биринджи догъгъаны Рубен. Рубеннинъ огъуллары: Ханокътан – ханокълыларнынъ сою, Паллудан – паллулыларнынъ сою, 6 ^cХецрондан – хецронлыларнынъ сою, Къармийден – къармийлилернинъ сою. 7 ^dБудыр рубенлилернинъ сойлары. Оларнынъ джедвельде язылгъанлары – 43 730 адам.

8Паллунынъ огълу – Элиав. 9 ^eЭлиавнынъ огъуллары: Немуэл, Датан ве Авирам. Шу Датан ве Авирам джемаатнынъ башлыкълары эдилер. Олар Къорах яндашларынен берабер Мусагъа ве Харунгъа къаршы чыкътылар ве РАББИге къаршы шикяет эттилер. 10 ^fЕр озь агъзыны ачып, оларны Къорахнен берабер ютты. Атеш 250 адамларны якъкъанда, Къорахнынъ тарафдарлары да ольди. Бойледже, олар башкъалары ичюн алямет олдылар. 11 ^gКъорахнынъ огъуллары исе ольмеди.

12 ^hСойларына коре Шимеоннынъ огъуллары: Немуэлден – немуэллилернинъ сою, Яминден – яминлилернинъ сою, Якинден – якинлилернинъ сою, 13Зерахтан – зерахлыларнынъ сою, Шаулдан – шауллыларнынъ сою. 14 ⁱШимеонлыларнынъ сойлары булардыр – 22 200 адам.

15 ^jСойларына коре Гъаднынъ огъуллары: Цефондан – цефонлыларнынъ сою, Хаггийден – хаггийлилернинъ сою, Шунийден – шунийлилернинъ сою, 16Ознийден – ознийлилернинъ сою, Эрийден – эрийлилернинъ сою, 17Ароддан – ародлыларнынъ сою, Арелийден – арелийлилернинъ сою. 18 ^kБудыр Гъаднынъ сойлары. Оларнынъ джедвельде язылгъанлары – 40 500 адам.

19 ^lЕхуданынъ огъуллары – Эр ве Онан. Эр ве Онан Ханаан топрагъында ольдилер. 20Сойларына коре Ехуданынъ огъуллары: Шеладан – шелалыларнынъ сою, Перецтен – перецлилернинъ сою, Зерахтан – зерахлыларнынъ сою. 21Перецнинъ огъуллары: Хецрондан – хецронлыларнынъ сою, Хамулдан – хамуллыларнынъ сою. 22 ^mБудыр Ехуданынъ сойлары. Оларнынъ джедвельде язылгъанлары – 76 500 адам.

23 ⁿСойларына коре Йиссакъарнынъ огъуллары: Толадан – толалыларнынъ сою, Пувадан – пувалыларнынъ сою, 24Яшувдан – яшувлыларнынъ сою, Шимрондан – шимронлыларнынъ сою. 25 ^oБудыр Йиссакъарнынъ сойлары. Оларнынъ джедвельде язылгъанлары – 64 300 адам.

26 ^pСойларына коре Зевулуннынъ огъуллары: Середден – середлилернинъ сою, Элондан – элонлыларнынъ сою, Яхлеэлден – яхлеэллилернинъ сою. 27 ^qБудыр Зевулуннынъ сойлары. Оларнынъ джедвельде язылгъанлары – 60 500 адам.

28 ^rСойларына коре Юсуфнынъ огъуллары: Менашше ве Эфраимдир. 29 ^sМенашшенинъ огъуллары: Макирден – макирлилернинъ сою (Макир Гиладнынъ бабасы олды), Гиладдан – гиладлыларнынъ сою. 30Гиладнынъ огъуллары булардыр: Иэзерден – иэзерлилернинъ сою, Хелектен – хелеклилернинъ сою, 31Асриэлден – асриэллилернинъ сою, Шекемден – шекемлилернинъ сою, 32Шемидадан – шемидалыларнынъ сою, Хеферден – хеферлилернинъ сою. 33 ^tХефернинъ огълу Целофехаднынъ огъуллары олмады, ялынъыз къызлары бар эди. Целофехад къызларынынъ адлары: Махла, Ноа, Хогъла, Милкъа ве Тирца. 34 ^uБудыр Менашшенинъ сойлары. Оларнынъ джедвельде язылгъанлары – 52 700 адам.

35 ^vСойларына коре Эфраимнинъ огъуллары булардыр: Шутелахтан – шутелахлыларнынъ сою, Бекерден – бекерлилернинъ сою, Тахандан – таханлыларнынъ сою. 36Шутелахнынъ огъуллары булардыр: Эрандан – эранлыларнынъ сою. 37 ^wБудыр Эфраим огъулларынынъ сойлары. Оларнынъ джедвельде язылгъанлары – 32 500 адам. Будыр сойларына коре Юсуфнынъ огъуллары.

38 ^xСойларына коре Биньяминнинъ огъуллары булардыр: Беладан – белалыларнынъ сою, Ашбелден – ашбеллилернинъ сою, Ахирамдан – ахирамлыларнынъ сою, 39Шефуфамдан – шуфамлыларнынъ сою, Хуфамдан – хуфамлыларнынъ сою. 40Беланынъ огъуллары: Ард ве Нааман. Арддан – ардлыларнынъ сою, Наамандан – нааманлыларнынъ сою. 41 ^yБудыр сойларына коре Биньяминнинъ огъуллары. Оларнынъ джедвельде язылгъанлары – 45 600 адам.

42 ^zСойларына коре Даннынъ огъуллары булардыр: Шухамдан – шухамлыларнынъ сою. Будыр сойларына коре Даннынъ сойлары. 43 ^aaШухамлыларнынъ бутюн сойлары, джедвельде язылгъанлары – 64 400 адам.

44 ^abСойларына коре Ашернинъ огъуллары: Йимнадан – йимналыларнынъ сою, Йишвийден – йишвийлилернинъ сою, Бриадан – бриалыларнынъ сою. 45Брианынъ огъулларындан: Хеверден – хеверлилернинъ сою, Малкиэлден – малкиэллилернинъ сою. 46Ашернинъ Серах адлы бир къызы бар эди. 47 ^acБудыр Ашер огъулларынынъ сойлары. Оларнынъ джедвельде язылгъанлары – 53 400 адам.

48 ^adСойларына коре Нафталийнинъ огъуллары: Яхцеэлден – яхцеэллилернинъ сою, Гунийден – гунийлилернинъ сою, 49Ецерден – ецерлилернинъ сою, Шиллемден – шиллемлилернинъ сою. 50 ^aeБудыр сойларына коре Нафталийнинъ сойлары. Оларнынъ джедвельде язылгъанлары – 45 400 адам.

51 ^afСайылгъан Исраиль огъулларынынъ эписи – 601 730 адам.

52РАББИ Мусагъа бойле деди:

53 ^ag– Адларынынъ сайысына коре оларгъа пай оларакъ топракъ болюнсин. 54 ^ahСайысы чокъча олгъанларгъа буюк пайны, сайысы азджа олгъанларгъа кучюк пайны бер. Эр къабилеге джедвельде язылгъан сайысына коре, адам башына коре пай берильсин. 55Топракъ джерепке коре дагъытылсын. Олар озь къабилесининъ адларына коре пайларыны алсынлар. 56Эм чокъ сайылы, эм аз сайылы къабиленинъ пайлары джерепке коре дагъытылсынлар.

57Сойларына коре сайылгъан левийлилер булардыр: Гершондан – гершонлыларнынъ сою, Кехаттан – кехатлыларнынъ сою, Мерарийден – мерарийлилернинъ сою. 58Будыр левийлилернинъ сойлары: ливнийлилернинъ сою, хевронлыларнынъ сою, махлийлилернинъ сою, мушийлилернинъ сою, къорахлыларнынъ сою. Кехат Амрамнынъ бабасы олды. 59Амрамнынъ апайы Ёкевед эди. О, Левийнинъ къызы эди. Левийнинъ апайы оны Мысырда догъурды. Ёкевед Амрамгъа Харунны, Мусаны ве къызкъардашлары Мерьемни догъурды. 60 ^aiХарун Надав, Авиху, Элазар ве Итамарнынъ бабасы олды. 61 ^ajНадав ве Авиху ольдилер, чюнки олар РАББИнинъ огюне башкъа бир атешни якътылар.

62 ^akЛевийлилернинъ джедвельде язылгъанлары – бир айлыкъ ве даа зияде олгъан бутюн эркеклер – 23 000 адам. Олар Исраиль огъулларынен берабер сайылмадылар, чюнки Исраиль огъулларынынъ арасында оларгъа топракъ пайы берильмеген эди.

63Булардыр Муса ве руханий Элазар сайгъан адамлар. Олар Исраиль огъулларыны Моав тегизлигинде, Иорданнынъ янында, Ерихон къаршысында сайды. 64Бу сайылгъанларнынъ арасында Мусанынъ ве руханий Харуннынъ Синай сахрасында сайылгъан Исраиль огъулларындан кимсе ёкъ эди. 65 ^alРАББИ оларгъа мытлакъ сахрада оледжеклерини айткъан эди. Олардан кимсе сагъ къалмагъан эди. Ялынъыз Ефунненинъ огълу Къалев ве Нуннынъ огълу Ехошуа къалдылар.