Numbers 36
Целофехаднынъ къызларына айырылгъан пайлар акъкъында
1Юсуф огъуллары сойларындан, Гилад огъуллары сойларындан (Гилад – Макирнинъ огълу, Макир – Менашшенинъ огълу эди) къоранта башлыкълары якъынлашып, Мусанен ве башлыкъларнен, Исраиль огъуллары къабилелерининъ башлыкъларынен лаф эттилер. 2Олар: – РАББИ эфендимизге топракъны джерепке коре Исраиль огъуллары арасында пайлаштырмагъа буюрды. Бундан гъайры, РАББИ эфендимизге Целофехад агъамызнынъ топракъ пайыны онынъ къызларына бермеге буюрды, – дедилер. 3– Эгер Целофехаднынъ къызлары башкъа бир Исраиль огъуллары къабилесинден олгъан огъланларгъа акъайгъа чыкъсалар, топракъ пайы бизим бабаларымыздан алынып, акъайларынен багълы къабилесине кечеджек. Бойледже, джерепке коре бизге тюшкен пай эксиледжек. 4 aИсраиль огъулларында 50-нджи йылы ▼▼Теврат китабыны, Лев 25 бакъ. Эллинджи йылда, яни Борулар йылында башкъа адамнынъ ве къабиленинъ къолуна тюрлю себеплерден кечкен топракъ сабыкъ саиплерине, къабиле ве къорантагъа къайтарылгъан эди.
олгъанда биле, къызларнынъ пайы олар оладжакъ къабилеге кечеджек. Бойледже, оларнынъ пайы бабаларымызгъа тюшкен пайдан алынаджакъ. 5Муса Исраиль огъулларына РАББИнинъ сёзюне коре бойле буюрды: – Юсуф огъулларынынъ къабилеси догъру айта. 6Целофехаднынъ къызлары акъкъында РАББИнинъ буюргъаны будыр: олар бегенген огълангъа акъайгъа чыкъмакъ мумкюн. Лякин тек озь бабасы къабилесининъ сойларындан олгъан акъайларгъа чыкъсынлар. 7 cО вакъыт Исраиль огъулларынынъ топракъ пайлары бир къабиледен башкъа къабилеге кечмейджек. Исраиль огъулларындан эр бири озь къабилесининъ топракъ пайына багълы олмакъ керек. 8 dИсраиль огъулларынынъ къабилелеринде топракъ пайыны алгъан эр бир къыз озь бабасы къабилесининъ сойларындан олгъан акъайгъа чыкъмакъ керек. О заман Исраиль огъуллары бабаларынынъ топракъ пайына саип оладжакълар, 9ве топракъ пайлары бир къабиледен башкъа къабилеге кечмейджек. Исраиль огъулларынынъ эр къабилеси озь топракъ пайына багълы олсун. 10РАББИ Мусагъа насыл буюргъан олса, Целофехад къызлары ойле де яптылар. 11Целофехаднынъ къызлары Махла, Тирца, Хогъла, Милкъа ве Ноа эмджелерининъ огъулларына акъайгъа чыкътылар. 12Бойледже, къызлар Юсуфнынъ огълу Менашше огъулларынынъ сойларындаки огъланларгъа акъайгъа чыкътылар, ве топракъ пайлары бабасы къабилесининъ сойларында къалды. 13Моав тегизликлеринде, Иорданнынъ янында, Ерихон къаршысында РАББИ Мусанынъ ярдымынен Исраиль огъулларына бойле эмирлерини ве къарарларыны буюрды.
Copyright information for
CrhCTB