a Флп 4.4
bЗбр 21.17, 21
cРим 2.29; Эф 2.11; Кол 2.11
d2 Кор 11.18
eБаш 17.12; Лев 12.3; Фаал 23.6; 26.5; Рим 11.1
fМк 10.20; Лк 1.6; Фаал 8.3; 22.3; 26.5; Гал 1.13
gЙрм 9.24; Рим 9.30-31; 10.5
hРим 6.5; 8.17; 1 Пётр 4.13; 2 Кор 1.5; Кол 1.24
i Еуд 11.40
j1 Пётр 5.4; 1 Кор 9.24-25; 2 Тим 2.5
k1 Кор 2.6
l 1 Пётр 5.3; 2 Тес 3.9; 1 Тим 4.12; Тит 2.7
mМк 8.33; 2 Кор 11.15; 1 Тес 5.3
nФаал 1.11; 1 Кор 1.7; Эф 2.19
oРим 8.29; 1 Юх 3.2; 1 Кор 15.35-52; 2 Кор 3.18; Кол 3.1

‏ Philippians 3

Догъру инсафлыкъ

1 aБойлеликнен, агъа-къардашларым, Раббиде къуванынъыз! Айны бу шейлер акъкъында язмагъа мен эринмейим, олар сизни белядан къорчалайджакъ. 2 bО копеклерден сакът олунъыз! Яманлыкъ япкъанлардан сакът олунъыз! Беден кескенлерден де сакът олунъыз! 3 cБиз – акъикъий сюннетмиз: Рухнынъ вастасынен Аллагъа ибадет этемиз, Иса Месихнен макътанамыз ве беден бельгилерине ишанмаймыз. 4 dАмма манъа озь беден бельгилериме де ишанмагъа мумкюн. Эгер башкъа бир кимсенинъ озь беденине ишанмагъа себеби олса, ондан зияде меним себеплерим бар: 5 eсекиз куньлюгимде мен сюннет олдым, Исраиль халкъындан, Биньямин къабилесинден чыкътым, мен темиз еудийим. Къанунны беджергенимде – ферисе олам. 6 fБуюк гъайретнен мен месихчилерни къувалай эдим, Къанун талап эткен инсафлыкъкъа коре къабаатсыз эдим. 7Амма къыйметли деп бильген шейлеримни Месихтен себеп мен файдасыз деп сайдым. 8– 9 gДаа да Иса Месихни, Раббимни бильмек – эр шейден буюктир. Бунъа бакъкъанда, мен эр шейни файдасыз, деп саям. Месих ичюн мен эр шейден вазгечтим. Оны алмакъ ичюн ве Къанунны беджермектен кельген озь инсафлыгъыма коре дегиль де, Месихке имандан кельген инсафлыкъкъа коре, яни инсаннынъ иманына коре Алла берген инсафлыкъ саесинде озюмни Месихте тапмакъ ичюн, мен эр бир шейни чёплюк деп саям. 10 hМен Месихни ве Онынъ тирилюв къудретини бильмеге истейим; Онъа олюмде ошап, О чеккен азапларны башымдан кечирмеге 11ве олюлерден насылдыр тирильмеге истейим.

Макъсаткъа ынтылув

12 iМен энди мукяфатны алдым я да макъсаткъа ириштим, демейим. Амма Месих мени тапкъаны киби, мен де, мукяфатны алмакъ ичюн, огге ынтылам. 13Агъа-къардашлар, мен озь мукяфатымны алдым, деп тюшюнмейим, лякин тек бир шейни япам: артта къалгъан шейлерни унутып, огдеки шейлерге арекет этем ве 14 jсонъки макъсаткъа ынтылам. Бу коклердеки мукяфатны алмакъ ичюн, Алла бизни Иса Месих аркъалы чагъырды. 15 kБизден ким кемалаткъа еткен олса, бойле тюшюнсин. Лякин эгер сиз башкъаджа тюшюнсенъиз, Алла сизге буны ачар. 16Шимди исе бизлер неге иришкен олсакъ, бунъа коре яшайыкъ.

17 lАгъа-къардашлар, бирлик олып, менден орьнек алынъыз. Биз арекет эткен киби яшагъанларгъа бакъынъыз. 18Мен сизлерге чокъ кере айттым, энди исе козьяш тёкип айтам: Месих хачынынъ душманлары киби яшагъан адамлар чокътыр. 19 mОларнынъ сонъу – олюм, оларнынъ алласы – ашкъазан, олар масхара шейлернен макътаналар, ердеки шейлер акъкъында тюшюнелер. 20 nБизим ветанымыз исе коклердедир. О ерден биз Къуртарыджыны – Рабби Иса Месихнинъ келеджегини сабырсызлыкънен беклеймиз. 21 oЭр шейни Онъа бойсундыраджакъ къудретинен, О, бизим заваллы беденимизни Озюнинъ шуретли беденине ошатып денъиштиреджек.
Copyright information for CrhCTB