Philippians 4
Павелнинъ огютлери
1Шунынънен, мен севген ве корьмеге истеген агъа-къардашларым, къуванчым ве таджым! Раббинен бирликте олып, къатты турунъыз, эй, севимлилерим! 2 aЭводиягъа ялварам, Синтихиягъа да ялварам: Раббиде олып, муаббетликте яшанъыз. 3 bЭбет, ишанчлы ёлдашым, санъа да ялварам, о къадынларгъа ярдым эт. Олар меннен, ве Клементнен, ве меннен берабер башкъа чалышкъанларнен Къуванчлы Хаберни даркъатмакъ ичюн арекет этелер. Оларнынъ адлары яшайыш китабында язылгъандыр. 4 cРаббиде олып, эр вакъыт къуванынъыз! Даа айтам: къуванынъыз! 5 dСизинъ алчакъгонъюллигинъиз эписине белли олсун. Рабби якъын. 6 eИч бир шейге къасевет этменъиз, амма эр вакъыт дува окъуп ве ялварып, эр бир истегинъизни Алланынъ алдында миннетдарлыкънен ачынъыз. 7 fО вакъыт сизинъ юреклеринъизни ве фикирлеринъизни адам акълына сыгъмагъан, Алла берген тынчлыкъ-аманлыкъ Иса Месихте сакълайджакъ. 8Сонъунда, агъа-къардашлар, эр бир акъикъий, намуслы, догъру, темиз, гузель, шуретли, мукеммель ве макътавгъа ляйыкъ шейлер акъкъында тюшюнинъиз. 9 gСизлер менден нени огренип къабул эткен олсанъыз, нени эшитип, корьген олсанъыз, шуны япынъыз. О вакъыт сизлернен тынчлыкъ-аманлыкъ берген Алла оладжакъ.Бахшышлар ичюн миннетдарлыкъ
10Мен Раббиде пек къувандым, чюнки сизлер кене мени къайгъыра башладынъыз. Сиз эвель де къайгъыра эдинъиз, амма буны косьтермеге фырсат ёкъ эди. 11 hБуларны мухтадж олгъаным ичюн айтмайым. Мен эр бир алда къуванмагъа огрендим. 12 iЁкъсуллыкъта да, боллукъта да яшамагъа огрендим. Эм токъ, эм ач олып, боллукъта ве мухтаджлыкъта, эр бир алда яшамакънынъ сырларыны огрендим. 13 jМанъа кучь берген Иса Месихнинъ ярдымынен эр шейни япып олам. 14 kЭр алда, сизлер меним къасеветиме къошулып, яхшы иш яптынъыз. 15Сиз билесиз, эй, Филиплер шеэринде яшагъанлар, мен Македониядан чыкъып, Къуванчлы Хаберни биринджи кере даркъатып башлагъанымда, сизлерден башкъа иманлыларнынъ джемиетлеринден ич бириси манъа бир шей бермеди ве менден бир шей алмады. 16 lТессалонике шеэринде олгъанымда, сизлер бир-эки кере манъа керекли ярдымны ёлладынъыз. 17 mМен сизден бахшыш истемейим, сизинъ эйилигинъиз ичюн мукяфат алгъанынъызны истейим. 18 nМенде эр шей бар, боллукъта биле яшайым. Сизлер ёллагъан шейлерни Эпафродиттен алдым, меним эр бир шейим бар. Бу шейлер – гузель къокъудыр, къабул этильген ве Алланы разы эткен къурбандыр. 19 oМеним Аллам сизге керек олгъан шейлерни Иса Месих аркъалы, Озюнинъ улу байлыгъындан берсин! 20Аллагъа ве Бабамызгъа асырлар бою шуретлер олсун! Амин.Селямлар
21 pИса Месихте олгъан азизлернинъ эписине селям этинъиз. Сизлерге меннен берабер олгъан агъа-къардашлар селям ёллайлар. 22 qАлланынъ бутюн азизлери ве айрыджа императорнынъ сарайында хызмет эткенлер селям ёллайлар. 23Рабби Иса Месихнинъ эйилиги сизинъ рухунъызнен олсун!
Copyright information for
CrhCTB