Proverbs 10
Гунанынъ акъылсызлыгъы ве инсафлыкънынъ икмети
1 aСулейманнынъ икметли сёзлери.Икметли огълан – бабасына къуванчтыр,акъылсыз огълан – анасына беля!
2 bАдалетсиз къазанылгъан байлыкътан файда ёкъ,
инсафлыкъ исе олюмден къуртара.
3 cРАББИ инсафлы адамны ач къалдырмаз,
яман адамнынъ истегини исе бош чыкъарыр.
4 dТенбель къол адамны фукъаре эте,
амма чалышкъан къол зенгин эте.
5Язда махсул джыйгъан огъул акъыл-ферасетлидир,
оракъ вакъытта юкълагъан огъул исе –
къорантасынынъ масхарасыдыр.
6Яхшы бахшышлар инсафлы адамларнынъ башына ягъа,
яман адамнынъ агъзы исе зорбалыкъларыны гизлей.
7 eИнсафлы адамны макътавнен хатырларлар,
яман адамнынъ ады исе гъайып олур.
8Икметли юрек эмирлерни къабул эте,
ахмакънынъ тили исе – онынъ башына беля.
9 fКим къусурсызлыкъта юре, хавфсызлыкъта яшай,
къыйыш ёлдан юргеннинъ исе тюшюнгенлери ачылыр.
10 gКозь къыпкъан адам къасевет кетире,
ахмакънынъ тили исе – онынъ башына беля.
11 hИнсафлы адамнынъ агъзы – яшайыш чокърагъыдыр,
яман адамнынъ агъзы исе зорбалыкъларыны гизлей.
12 iНефрет къавгъаларны къозгъай,
севги исе эписи къабаатларны багъышлай.
13 jАкъыллы адамнынъ агъзында икмет яшай,
акъылсызнынъ аркъасында исе – таякъ.
14 kИкметли адамлар бильгини сакълай,
ахмакънынъ тили исе башына беля кетире.
15 lБайнынъ малы-мулькю – онынъ пекитильген къалеси,
фукъаренинъ ёкъсуллыгъы исе – онынъ белясы.
16 mИнсафлы адамнынъ чалышкъаны – яшайышкъадыр,
яман адамнынъ келири исе – гунагъадыр.
17 nОгютни сакълагъан адам омюр ёлундадыр,
опькеге къулакъ асмагъан исе ёлуны шашыра.
18Яланджы тиль нефретни гизлей,
ошек ташыгъан – акъылсыздыр.
19 oЧокъ лафнынъ сонъу – гунадыр,
акъыл-ферасетли адам исе тилини тута.
20Инсафлы адамнынъ тили темиз кумюш кибидир,
яман адамнынъ юреги исе – бир капиктир.
21 pИнсафлы адамнынъ тили чобан киби чокъ адамны бакъа,
ахмакълар исе акъыл эксиклиги ичюн олелер.
22РАББИнинъ бахшышлары бай эте,
онен берабер О, гъам бермей.
23 qАкъылсыз адам яманлыкъ япкъанындан зевкъ ала,
анълагъан адам исе – икметтен.
24 rЯман адамнынъ къоркъкъаны башына келир,
инсафлы адамнынъ истеги исе ерине келир.
25 sКъасыргъа келир – яман адамны ёкъ этер,
инсафлы адамнынъ темели исе – эр вакъыт къавийдир.
26 tТишлер ичюн – сирке киби,
козьлер ичюн – тютюн киби,
дембель де онъа иш бергенлер ичюн – тамам ойледир.
27 uРАББИден къоркъмакъ – куньлерни арттырмакъ,
яман адамларнынъ йыллары исе къыскъадыр.
28 vИнсафлы адамларнынъ умюти – къуванчтыр,
яман адамларнынъ беклегенлери исе харап олур.
29РАББИнинъ ёлу къусурсыз адам ичюн – сыгъынувдыр,
джинаетчи ичюн исе – дешеттир.
30 wИнсафлы адам ич бир вакъыт сарсылмаз,
яманлар исе ер юзюнде яшамаз.
31 xИнсафлы адамнынъ тили икмет айта,
яланджы тиль исе кесилир.
Инсафлы адамнынъ дудакълары хош лаф айта,
яман адамнынъ агъзы исе – ялан.
32
Copyright information for
CrhCTB