Proverbs 15
1 aЙымшакъ джевап гъазапны ятыштырыр,акъаретли сёз исе ачув къозгъар.
2 bИкметли адамнынъ тили бильги айтар,
акъылсызнынъ агъзындан исе тек ахмакълыкъ чыкъар.
3 cРАББИнинъ козю эр бир ерни корер,
эм яхшы, эм яман адамны.
4 dЮваш тиль – омюр тереги,
алдатыджы сёз – рухнынъ олюми.
5Ахмакъ бабасынынъ огютини урьмет этмез,
опькеге къулакъ аскъан исе зекялы олур.
6Инсафлы адамнынъ эвинде буюк байлыкъ,
яман адамнынъ келири исе беля кетире.
7Икметлининъ тили бильги даркъатыр,
акъылсызлар исе ойле япмаз.
8 eЯман адамларнынъ къурбанындан РАББИ нефретленир,
догъру адамларнынъ дувасындан исе разы къалыр.
9Яман адамнынъ ёлундан РАББИ нефретленир,
инсафлыкъ ёлуны туткъан адамны исе север.
10 fЁлны къалдыргъангъа – къатты джеза,
опькеден нефрет эткен олер.
11 gО бир дюнья ве эляк дияры – РАББИнинъ огюнде ачыкъ,
адамнынъ юреги Онынъ ичюн сыр олурмы?
12 hМыскъылджы оны опькелегенлерни севмей,
икметли адамларгъа о бармаз.
13 iЮрек къуванчы адамнынъ бетини ачар,
юрек дерди исе рух сёндюрир.
14 jАкъыллы юрек бильги къыдырыр,
акъылсыз исе ахмакълыкънен бесленир.
15Заваллынынъ эр куню – гъам-къасевет,
бахтлыда исе эр заман той-зияфет.
16 kФакъыр олып да, РАББИден къоркъмакъ,
бай олып да, къайгъы-къасевет ичинде яшамакътан яхшыдыр.
17 lСевги толу емиш ашы,
нефрет толу семиз бузав этинден яхшыдыр.
18 mТез ачувлангъан адам ара бозар,
сабырлы исе къавгъаны ятыштырыр.
19 nТенбельнинъ ёлу тикен толудыр,
догъру адамнынъ ёлу исе кениш ве тер-тегиздир.
20 oИкметли огълан бабасыны къувандырыр,
акъылсыз огълан исе анасыны саймаз.
21 pАкъылдан эксик адам ахмакълыгъына къуваныр,
анълагъан адам исе догъру ёлдан кетер.
22 qАдам акъыл танышмаса – иши фена чыкъар,
акъыл огреткенлерге къулакъ асса эгер – мурадына етер.
23 rДжевап берип олгъан адам къуваныр,
вакътында айтылгъан сёз пек гузельдир.
24 sОмюр ёлу акъыл-ферасетли адамны юкъарыгъа алып кете
ве о бир дюньядан узакълаштыра.
25 tРАББИ кибирлилернинъ эвини харап этер,
тул апайнынъ сынъырыны исе къуветлендирир.
26 uЯманнынъ фикиринден РАББИ нефретленир,
темиз юрекли адамларнынъ сёзлеринден исе разы къалыр.
27 vАкъчагъа ачкозьленген эвини йыкъар,
къапарлардан нефретленген исе раат яшар.
28 wИнсафлы адам джевап акъкъында тюшюнир,
яман адамнынъ агъзы исе яманлыкъ сачар.
29 xЯман адамлардан РАББИ пек узакътыр,
инсафлыларнынъ дуваларыны исе эшитир.
30 yЯрыкъ козьлер юрек къувандырыр,
хайырлы хабер де кемиклерни къавий этер.
31Омюрнинъ тербиесине къулакъ аскъан адам
икметли адамларнынъ арасында олур.
32 zОгютни ред эткен адам джанына зарар кетирир,
опькеге къулакъ аскъан акъыл къазаныр.
aaРАББИ къоркъусы икметке огретир,
ве шуретнинъ огюнден алчакъгонъюллик келир.
33
Copyright information for
CrhCTB