Proverbs 16
1 aЮрек ниетлери – адамдандыр,тильнинъ джевабы исе – РАББИдендир.
2 bАдам озюнинъ эр япкъаныны догъру саяр,
лякин РАББИ адамнынъ джаныны сынар.
3 cЭр бир ишинъни РАББИге ташла,
сонъ ниетлеринъе етерсинъ.
4 dРАББИ япкъан эр шейнинъ озь макъсады бар,
яман адамны биле беля куню ичюн азырлады.
5 eКибирли юректен РАББИ нефретленир,
керчектен де, о джезасыз къалмаз.
6 fМерамет ве садыкълыкъ къабааттан арындыра,
РАББИден къоркъу белядан къуртара.
7 gАдам туткъан ёлундан РАББИ разы олса,
душманларыны биле онен барыштыра.
8 hИнсафлыкънен къазанылгъан аз шей,
адалетсизликнен къазанылгъан буюк келирден яхшыдыр.
9 iАдам юрегинде кетеджек ёлуны тюшюнир,
лякин адымларыны РАББИ идаре этер.
10 jПадишанынъ агъзындан чыкъкъан лаф элялдыр,
суд эткенде, о янъылмаз!
11 kДогъру теразе ве къантар – РАББИден,
чантадаки эписи ташлар да – Ондан.
12 lПадишалар яманлыкъ япмакътан нефретленир,
чюнки тахт инсафлыкъта къатты турар.
13 mПадиша инсафлы дудакълардан разы къалыр,
догърусыны айткъан адамны о север.
14 nПадишанынъ гъазабы – олюм хаберджиси,
лякин икметли адам оны ятыштырыр.
15 oПадишанынъ ачыкъ бакъышында – омюр,
онынъ разылыгъы – ягъмур кетирген булут кибидир.
16 pИкмет саиби олмакъ – алтындан,
акъыл саиби олмакъ – кумюштен яхшыдыр.
17Догъру адамларнынъ кениш ёлу – яманлыкътан узакъ турмакъ,
ёлуна мукъайт олгъан адам джаныны къорчалар.
18 qКибир артындан – эляк,
къопайлыкъ артындан – йыкъылув келир.
19Ювашларнен берабер алчакъгонъюлли олмакъ
кибирлилернен берабер гъаниметни пайлаштырмакътан яхшыдыр.
20 rИшини акъыл-ферасетнен тюшюнген адам яхшылыкъ корер,
РАББИге ишангъан бахтлы олур.
21Икметли адам анълагъан деп айтылыр,
татлы лаф да огреткеннинъ кучюни арттырыр.
22 sАкъыл-ферасет, саиби ичюн – омюр чокърагъы,
ахмакънынъ тербиеси исе – ахмакълыкъ.
23Икметли юрек адамнынъ агъзына ферасет бере
ве дудакъларында огренюв арттыра.
24 tГузель сёзлер – солакъ балы киби,
джан ичюн – эльва, беден ичюн – шифа.
25 uБазы ёл адамгъа догъру деп корюне,
амма онынъ сонъу – олюмдир.
26 vЧалышкъан адам нефиси ичюн чалыша,
чюнки ашамакъ истеги оны айдай.
27 wЯрамай адам яманлыкъ тюшюне,
онынъ лафы – якъып-йыкъкъан алев кибидир.
28 xХиянет тюшюнген адам къавгъа чыкъарыр,
ошекчи достларнынъ араларыны бозар.
29 yКъара юрекли адам башкъасыны ёлдан ура
ве яман ёлгъа къоя.
30Козьлерини къыпкъан адам хиянетлик тюшюне,
агъзыны къыйыштыргъан адам яманлыкъ япа.
31 zЧаларгъан сач – шурет таджыдыр,
о – инсафлы яшайышнынъ нетиджесидир.
32 aaЧокъ сабырлы адам – къарамандан яхшыдыр,
озюни туткъан адам – шеэрни басып алгъандан хайырлыдыр.
abАдам джереп ташыны ата,
амма онынъ косьтергени РАББИден келе.
33
Copyright information for
CrhCTB