Proverbs 20
1 aШарап мыскъыллай, ички кучьлю сеснен къычыра,оларнынъ артындан эр бир кеткен адам икметли дегиль!
2 bПадишанынъ гъазабы арсланнынъ окюрюгине ошай,
оны ачувлаткъан озь джанына зарар кетире.
3Къавгъадан къачынмакъ адам ичюн шуреттир,
эр ахмакъ исе тартышмагъа азырдыр.
4 cТенбель озь вакътында сюрмей,
оракъ вакъты кене кельгенде, бир шей тапмай.
5 dАдамнынъ ниетлери онынъ юрегинде терен сувлар киби,
лякин анълагъан адам ондан оларны чекип чыкъарыр.
6Чокъ адам озь садыкълыгъы акъкъында къопайып айта,
лякин керчектен ишанчлы адамны ким тапып олур?
7Инсафлы адам къусурсыз яшай,
онынъ огъуллары бахтлыдыр!
8Махкеме тахтында отургъан падиша
козьлеринен эр бир яман шейни бир къачырмай корер.
9 e«Юрегимни темизледим,
гуналарымдан арындым», – деп ким айтып олур?
10 fРАББИ эм ялан теразеден,
эм догъру олмагъан ташлардан, – экисинден де нефрет эте.
11Япкъанлары темизми, догърумы олгъанына коре,
йигит эткен ишлеринден белли олур.
12 gЭм эшиткен къулакъны, эм корьген козьни –
экисини яраткъан РАББИдир!
13 hЮкъу севсенъ – ёкъсул олурсынъ,
козь юммасанъ – ашынъ бол олур.
14Сатын алгъан адам: «Бир шейге ярамаз, бир шейге ярамаз», – айтар,
лякин алып кеткен сонъ макътаныр.
15Дюньяда алтын ве чокътан-чокъ къыйметли ташлар бардыр,
лякин бильгили агъыз олардан паалыдыр.
16 iБир кимсе ябанджыгъа кефиль олса, онынъ урбасыны ал,
чет адам ичюн ондан залог ал.
17 jАлдавнен къазанылгъан отьмек башта адамгъа татлы корюнир,
лякин сонъундан о, агъзында ташчыкъларгъа айланыр.
18 kАкъыл танышкъанда ниетлер ерине келир,
бойлеликнен, насиатны динълеп, дженк эт.
19 lОшек ташыгъан адам сыр ачар,
бошбогъаздан узакъ тур.
20 mАна-бабасыны къаргъагъан адамнынъ чырагъы
гедже къаранлыгъынен сёнер.
21 nТез алынгъан мирас
сонъундан берекетли олмаз.
22 o«Япкъан яманлыкъны къайтарырым», – деме,
РАББИге ташла, О, сени къорчалар.
23 pРАББИ ялан ташлардан нефрет эте,
ялан теразе де – яхшы дегиль.
24 qАдамнынъ адымларыны РАББИ догърулта,
ойле олса, туткъан ёлуны адам насыл анълап олур?
25 rАшыкъып этильген ант ве тюшюнмейип берильген адакъ –
адам ичюн къапкъандыр.
26Икметли падиша яман адамларны савурыр,
оларны арман копчегинен эзип ташлар.
27 sАдамнынъ руху – РАББИнинъ нурудыр,
о, юрекнинъ теренликлерини сынай.
28Мерамет ве садыкълыкъ падишаны къорчалай,
акъикъатнен о, таджыны тута.
29 tЯш огъланларнынъ шурети – кучьте,
къарт адамларнынъ шерефи – чаларгъан сачта.
Котек ашагъан адамнынъ яралары яманлыкътан арындырыр,
ве домпузлама юрекнинъ теренликлерини тюзетир.
30
Copyright information for
CrhCTB