‏ Proverbs 22

1 ^aЯхшы ад – буюк байлыкътан,
урьмет де – кумюш ве алтындан яхшыдыр.

2 ^bЗенгин ве ёкъсул ян-янаша туралар:
экисини РАББИ яратты.

3 ^cЗекялы адам келеяткъан беляны коре ве сакълана,
саде исе, огге атылып, зарарлана.

4 ^dАлчакъгонъюлликнинъ ве РАББИ къоркъусынынъ пешинден
зенгинлик, шурет ве яшайыш келир.

5 ^eКъара юрекли адамнынъ ёлу тикен ве къапкъангъа толудыр,
джанына мукъайт олгъан адам ондан узакълашыр.

6 ^fОгъланны башындан догъру ёлгъа къой,
къартайгъан сонъ да ондан таймаз.

7Зенгин адам фукъаренинъ саиби олур,
борджкъа алгъан – борджкъа бергеннинъ къулу олур.

8 ^gАдалетсизлик сачкъан – беля джыяр,
онынъ гъазабындан бир шей биле къалмаз.

9 ^hОзь отьмегини алып, фукъаренен пайлашкъан
джумерт адам яхшы бахшышлар корер.

10 ⁱМыскъылджыны къуваласанъ, къавгъа битер,
даванен сёгюнч де сонъуна етер.

11 ^jЮрек темизлигини севген адам гузель лаф эте
ве падишанынъ достлугъыны къазаныр.

12РАББИ бильгини къорчалар,
къара юреклининъ сёзлерини исе силип ташлар.

13 ^k«Тышарыда арслан бар!
Сокъакъкъа чыкъсам, мени парчалар!» – дей тенбель.

14 ^lБашкъасынынъ апайынынъ агъзы – тюпсюз чукъур,
РАББИнинъ гъазабына огърагъан анда тюшер.

15 ^mОгъланнынъ юреги ахмакълыкъкъа толу,
амма тербие таягъы оны узакъ къувар.

16 ⁿБайлыгъыны арттырмакъ ичюн,
фукъаренинъ джаныны агъырткъан да,
зенгин адамгъа бахшыш берген адам да
ахыр-сонъу ёкъсуллыкъкъа огърар.

Отуз икметли ибаре

17 ^oКъулакъ асып, икметли адамларнынъ сёзлерини динъле,
юрегинъ бильгиме дикъкъат этсин.
18Айткъанларымны ичинъде сакъласанъ, бахтлы олурсынъ,
олар эр вакъыт агъзынъда азыр олурлар.
19Сен РАББИге ишаныр деп,
мен бугунь оларны санъа огретем.
20– 21Акъикъатны бильдирмек ичюн,
мен санъа насиаткъа ве бильгиге толу отуз ибаре яздым.
Сонъ сен сени ёллагъанларгъа догъру джевап кетире билирсинъ.

22 ^pЁкъсулны, фукъаре олгъаны ичюн, сыдырма,
шеэрнинъ араба къапусы янында заваллынынъ джаныны агъырттырма.
23 ^qРАББИ оларнынъ давасыны чезер
ве оларгъа залым эткен адамларнынъ джаныны алыр.

24Ачувлы адамнен дост олма,
тез къызгъан адамгъа ёлдаш олма.
25Ёкъса оларнынъ ёлуна тюшип,
джанынъа къапкъан къоярсынъ.
26Башкъасынынъ борджу ичюн къол берип,
кефиль олмакътан къачын.
27 ^rБорджны къайтармакъ ичюн акъчанъ олмаса,
яткъан тёшегинъни биле тартып чыкъарырлар.

28 ^sБаба-деделеринъ кечирген
эски сынъырнынъ ерини денъиштирме.

Ишини усталыкънен эткен адамны корьдинъми?
О, адий адамлар огюнде турмаз,
падишаларнынъ огюнде турар.
29