Proverbs 28
1 aЯман адамнынъ пешинден кимсе къуваламаса биле, чапар,инсафлы адам исе арслан киби тынчтыр.
2 bИсьян толу мемлекетте чокъ башлыкъ олур,
лякин анълагъан, бильгили акимдарнен
мемлекет чокъ вакъыт турар.
3 cФукъарелерни хорлагъан ёкъсул адам –
ашлыкъны хараплагъан сагъанакъ ягъмур кибидир.
4Къанундан четке чыкъкъан адамлар яманларны макътар,
къанунны туткъан адамлар исе оларгъа къаршы чыкъар.
5Яман адамлар адалетни анъламаз,
РАББИни къыдыргъанлар исе оны бутюнлей анълар.
6 dКъусурсыз яшагъан фукъаре
къыйыш ёлда юрген зенгин адамдан яхшыдыр.
7Къанунны кутькен огъул акъыллыдыр,
ярамай адамларнен достлукъ эткен исе бабасыны утандырыр.
8 eФаиз ичюн акъча берген ве бойле байлыгъыны арттыргъан адам
зенгинлигини фукъарелерни аджыгъан адам ичюн топлар.
9 fКъанунгъа къулакъ асмагъан адамнынъ
дувасы да пистир.
10 gДогъру адамларны яман ёлгъа ургъанлар
къазгъан чукъурларына озю тюшер,
къусурсыз адамлар исе яхшы мирас алыр.
11 hЗенгин адам озюни икметли саяр,
лякин акъыллы ёкъсул оны не олгъаныны корер.
12 iИнсафлы адамлар байрам япкъанда, эр кес къуваныр,
яман адамлар юксельгенде исе, эр кес сакъланыр.
13 jГуналарыны гизлеген адам хайырыны корьмез,
тёвбе этип оларны ташлагъангъа исе мерамет этерлер.
14Эр бир заман РАББИден къоркъкъан адам бахтлыдыр,
инатлангъан адамнынъ башына исе беля тюшер.
15 kЗаваллы халкънынъ яман акимдары –
окюрген арслан, адамгъа атылгъан аюв кибидир.
16Анълайыштан эксик акимдар халкъны чокъ къыйнар,
намуссыз келирден нефретленген исе яшайышны узатыр.
17 lАдам къаныны тёккен адам ольгендже къачып юреджектир,
онъа кимсе ярдым этмесин.
18 mКъусурсыз яшагъан къуртарылыр,
къыйыш ёллардан юрген исе бир ёлунда йыкъылыр.
19 nТопрагъыны ишлеген адамнынъ ашы бол олур,
бошлукъны къувалагъан исе ёкъсуллыкъкъа тояр.
20 oСадыкъ адам чокъ бахшыш алыр,
бай олмагъа ашыкъкъан исе белядан къуртулмаз.
21 pЭкиюзьлю олмакъ – яхшы дегиль,
адам бир тилим отьмек ичюн адалетсизлик япар.
22 qАчкозь адам байлыкъкъа ашыкъып,
фукъаре оладжагъындан хабери ёкъ.
23 rБашкъасыны опькелеген адам
сонъунда тильнен ялтакълангъан адамдан буюк разылыкъ тапар.
24 sАна-бабасыны союндырып, «Бу – гуна дегиль», – деген адам –
айдутларнынъ достудыр.
25 tНефисхор адам къавгъа чыкъарыр,
РАББИге ишангъан исе онъар.
26Озюне ишангъан – акъылсыздыр,
икмет ёлунда юрген исе къуртурылыр.
27 uФукъареге берген ёкъсул олмаз,
козьлерини юмгъан исе къаргъышларыны арттырыр.
vЯман адамлар юксельгенде, эр кес сакъланыр,
олар ёкъ олгъан сонъ исе, инсафлы адамлар чокълашыр.
28
Copyright information for
CrhCTB