Proverbs 29
1 aСыкъ опькени эшитип, юрегини инатландыргъан адамапансыздан эляк олур, – арткъа ёлу олмаз.
2 bИнсафлы адамлар чокълашса, халкъ къуваныр,
яман адамлар акимдарлыкъ этсе, халкъ инъильдер.
3 cИкметни севген адам бабасыны къувандырыр,
фаишелернен юрген исе байлыгъыны кокке савурыр.
4Адалетли акимдарлыкъ эткен падиша мемлекетини къавийлештирир,
къапар севген падиша исе топрагъыны гъайып этер.
5 dБашкъасына ялтакълангъан адам
онъа къапкъан къояр.
6 eЯман адамнынъ гунасы – онъа къапкъан,
инсафлы адам исе шенъленип къуваныр.
7 fИнсафлы адам ёкъсулларнынъ давасыны акъылнен чезер,
яман адамнынъ исе бойле къасевети ёкъ.
8 gМыскъылджылар шеэрни биле ёлдан урар,
икметли адамлар исе афакъанны ятыштырыр.
9Икметли адам ахмакънен давалашкъанда,
ачувланса да, кульсе де, – раат олмаз.
10 hКъанназ адамлар къусурсызлардан нефретленелер
ве догъру адамларны ольдюрмеге къыдыралар.
11 iАкъылсыз гъазабыны тутмаз,
икметли исе оны ятыштырыр.
12Акимдар ялан лафкъа къулакъ асса,
эписи везирлери де яман олур.
13 jЁкъсул ве залым эткен адам ян-янаша тура:
экисининъ козьлерине РАББИ ярыкъ бере.
14 kЭгер падиша ёкъсулларнынъ давасыны акъикъатлы чезсе,
онынъ тахты эбедий олур.
15 lТаякъ ве опьке икмет берер,
озь алына къалдырылгъан бала исе анасынынъ масхаралыгъы олур.
16 mЯман адамлар чокълашкъан ерде акъсызлыкъ да чокълашыр,
лякин инсафлы адамлар оларнынъ ёкъ олгъанларыны корер.
17 nОгълунъны тербиелесенъ, о, сени раат этер,
джанынъны да къувандырыр.
18 oКоктен берильген руя олмаса, халкъ башсыз олур,
къанунны кутькен исе пек бахтлы олур!
19Къул сёзнен тербие этильмез,
айткъан лафынъны анъласа да, къулакъ асмаз.
20 pЛаф этмеге ашыкъкъан адамны корьдинъми?
Акъылсыз биле ондан ишанчлыдыр.
21Эгер къулны балалыгъындан эркелесенъ,
хайырыны корьмезсинъ.
22 qАчувлы адам къавгъа чыкъара,
гъазаплы да чокъ акъсызлыкъ япа.
23 rКибирлилик адамны ашалай,
алчакъгонъюлли исе шурет къазаныр.
24 sХырсызгъа ортакъ олгъан адам – озь-озюне душман,
къаргъышны о эшитсе биле, бир шей айтмаз.
25 tАдамлардан къоркъмакъ – озюнъе къапкъан къоймакъ,
лякин РАББИге ишангъан сарсылмаз.
26 uЧокъ адамлар акимдарнынъ козюне кирмеге истер,
лякин адамгъа адалет РАББИден келе.
27Инсафлы адамлар адалетсизлерден нефрет этер,
яман адамлар исе догъру ёлда юргенлерге кин беслер.
Copyright information for
CrhCTB