‏ Proverbs 6

Чешит тюрлю тенбиелевлер

1 ^aОгълум! Эгер сен башкъа адам ичюн кефиль олсанъ,
ябанджы адам ичюн «Келиштик!» деген олсанъ,
2озь агъзынъдан чыкъкъан лафларынъ
къапкъангъа тюшюрди сени,
озь айткъанларынъ сени якъалады.
3Башкъа адамнынъ къолуна тюштинъ сен, огълум!
Озюнъни къуртармакъ ичюн, буны яп:
бар да, о адамнынъ аякъларына сарылып,
онъа ялвар.
4Козюнъе юкъу кирмесин,
козь къапакъларынъ агъырлашмасын.
5 ^bАвджынынъ элинден гъазель киби,
къушчунынъ къолундан къуш киби, озюнъни къуртар.

6 ^cЭй, дембель, бар да, къырмыскъагъа бакъ,
онынъ ёлларыны корип, икметли ол.
7Онынъ не башлыгъы, не незаретчиси, не де укюмдары бар.
8 ^dЛякин о, ашыны язда азырлап къоя,
ашлыкъны оракъ вакътында топлай.

9 ^eЭй, дембель! Сен не вакъыткъадже ятаджакъсынъ?
Юкъунъдан не заман уянаджакъсынъ?
10Азачыкъ юкъласанъ, бир дирем юкъусырасанъ,
бираз да къол къавуштырып ятсанъ, –
11 ^fсанъа быралкъы киби ёкълукъ,
силялы айдут киби – ёкъсуллыкъ келир.

12 ^gЯрамай адам – беля кетирген,
ялан айткъан адамдыр.
13 ^hО козюни къыпа, аякъларынен бельгилей,
пармакъларынен ишаретлер япа.
14Онынъ юрегинде хаинлик яшай,
о эр вакъыт яманлыкъны тюшюне, къавгъа чыкъара.
15 ⁱБунынъ ичюн беля онъа апансыздан келир,
оны бирден къырып ёкъ этер, – арткъа ёлу олмаз.

16 ^jРАББИ алты шейден нефрет эте,
еди шей Онынъ козюнде пистир:
17 ^kгъурурлы бакъыш, ялан айткъан тиль,
къабаатсыз къанны тёккен къоллар,
18 ^lкъара фикир эткен юрек,
яманлыкъкъа тез чапкъан аякълар,
19 ^mялан айткъан яланджы шаат
ве агъа-къардашларнынъ арасыны бозгъан адам.

Яман къадындан тенбиелев

20 ⁿОгълум, бабанънынъ буюргъаныны тут,
ананънынъ огреткенини ташлама.
21 ^oОларны юрегинъе эбедиен багъла,
такъ оларны бойнунъа.
22Ёлда олгъанда, олар санъа мукъайт олурлар,
юкъламагъа яткъанда – къорчаларлар,
уянгъанда исе – сеннен лакъырды этерлер.
23 ^pЭмирлер санъа – лампат,
огретювлер – ярыкъ,
ве опькели огют – яшайышкъа ёл.
24 ^qОлар сени яман къадындан,
башкъасынынъ апайынынъ татлы тилинден
къорчалайджакъ.
25 ^rБойле апайларнынъ дюльберлиги сени ёлдан урмасын,
бакъышлары сени тутмасынлар.
26Ороспу апайнынъ фияты – бир тилим отьмек,
башкъасынынъ апайы исе къыйметли джанынъны авлай.
27Адам къойнуна атеш алып,
урбасыны якъмазмы?
28Къорлар устюнде юрип,
аякъларыны якъмазмы?
29Башкъасынынъ апайынен яткъан адамгъа тамам ойле олур –
онъа токъунгъан бирев къабаатсыз къалмаз.

30Ач хырсыз къурсагъыны тойдурмакъ ичюн хырсызласа,
оны къатты укюм этмезлер,
31 ^sлякин эгер оны тутсалар, еди къат тёлер,
бутюн мал-мулькюни берер.
32 ^tЗина эткен адам акъылдан эксик,
буны япкъан адам озь джаныны гъайып эте.
33Масхаралыкъ ве котек ашар,
намуссызлыкъ – онынъ омюрбилля къысметидир.
34 ^uКуньджюлик акъайны якъып-куйдюрир,
акътыманыны алгъанда о, аджымаз.
Бир одемеге разы олмаз,
дюньяны бахшыш этсенъ биле, гонълюни аламазсынъ.
35