Proverbs 12
1 aОгютни севген – бильгини севе,опькеден нефретленген – ахмакъ.
2Яхшы адам РАББИнинъ огюнде разылыкъ къазана,
яман ниетлери олгъан адамны исе РАББИ укюм этер.
3 bИч бир адам яманлыгъында къатты турмаз,
инсафлы адамларнынъ темеллери йыкъылмаз.
4 cЯхшы апай – акъайынынъ башына тадждыр,
масхаралыкъ кетирген апай исе – кемик чюрюги киби.
5 dИнсафлы адамлар адалет акъкъында тюшюне,
яман адамларнынъ насиаты исе алдата.
6 eЯман адамнынъ сёзлери – олюм къапкъаныдыр,
догъруларнынъ айткъанлары исе озьлерини олюмден къуртара.
7Яман адам йыкъыла ве ёкъ ола,
инсафлы адамларнынъ эви исе йыкъылмайып тура.
8Адамны акъыл-ферасетине коре макътайлар,
къара юрекли адамгъа исе нефретнен бакъалар.
9Чокъ урьмет къазанмагъан, амма бир къулу олгъан адам
озюни бай сайып, отьмекке мухтадж олгъан адамдан яхшыдыр.
10 fИнсафлы адам айванларынынъ да къасеветини чекер,
лякин яман адамнынъ мерамети биле – зулум.
11 gТопрагъыны ишлеген адамнынъ ашы бол олур,
бош шейлернинъ пешинден чапкъан адам исе акъылдан эксик.
12Яман адам яман сачмаларынен тутмагъа истей,
инсафлы адамларнынъ тамыры исе махсул осьтюре.
13 hЯман адам ялан лафларынынъ къапкъанына тюше,
инсафлы адам исе белядан къуртула.
14 iАйткъан лафына коре адам яхшылыкъ тапа,
япкъан ишлери онъа мукяфатнен къайта.
15 jАхмакънынъ ёлу озюне коре догърудыр,
насиаткъа къулакъ аскъан адам исе икметлидир.
16 kАхмакъ гъазабыны бирден ача,
зекялы адам исе джаны агъыргъаныны сакълай.
17 lНамуслы адам догърусыны айта,
ялан шаатлыкъ эткен адам алдата.
18 mБошбогъазнынъ тили – къылыч киби кескиндир,
икметли адамнынъ тили исе – дертке дерман.
19 nКерчек сёзлернинъ омрю узакъ,
ялан лафнынъ исе – къыскъа.
20Яманлыкъны тюшюнген адамнынъ юреги къара,
яхшылыкъ эткен адамнынъ юрегинде исе къуванч толып-ташар.
21 oДогъру адамгъа бир зарар олмаз,
яман адамнынъ башы исе белядан къуртулмаз.
22 pРАББИ ялан айткъан дудакълардан нефретлене,
догърусыны айткъан адамлардан исе разы къала.
23 qЗекялы адам бильгисини сакълай,
акъылсызнынъ юреги исе ахмакълыгъыны косьтере.
24Ишкир къол падишалыкъ этер,
тенбель къол исе салым берер.
25Къасевет адамнынъ юрегини къырар,
гузель сёз исе оны къувандырыр.
26Инсафлы адам башкъасына ёл косьтере ▼
▼Даа бойле терджиме этмеге мумкюн: «Инсафлы адам якъыныны анъламагъа тырыша».
,яманларнынъ туткъан ёлу исе оларны адаштыра.
27Тенбель къазан къайнатмаз,
ишкирнинъ къысмети къыт олмаз.
Инсафлыкъ ёлу – яшайыштыр,
ёлларында олюм ёкъ.
28
Copyright information for
CrhCTB