Proverbs 13
1 aИкметли огълан бабасынынъ огютини динълей,мыскъылджы исе опькеге къулакъ асмай.
2 bАйткъан лафына коре адам яхшылыкъ тапа,
къара юрекли олгъанлар исе яманлыкъ этип яшай.
3 cТилини туткъан джаныны сакълай,
озь агъзыны кениш ачкъан исе гъайып олур.
4 dТенбельнинъ джаны мурадына етмез,
ишкирнинъ джаны исе ач къалмаз.
5Инсафлы адам ялан лафтан нефрет эте,
яман адам исе озюни ашалап масхара эте.
6 eКъусурсыз адамны ёлунда инсафлыкъ къорчалай,
гунакярны исе яманлыкъ ёкъ эте.
7 fБири, онынъ ич бир шейи олмагъанда, озюни бай деп тута,
башкъасы, байлыгъы буюк олгъанда, озюни фукъаре деп тута.
8Адамнынъ омрюни байлыкъ къорчалар,
фукъаре исе ич бир телюкели сёз эшитмез.
9 gИнсафлы адамларнынъ чырагъы парлакъ яна,
яман адамларнынъ чырагъы исе сёне.
10 hКъопайлыкътан тек къавгъа чыкъа,
акъыл танышмакътан исе – икмет.
11Авадан кельген байлыкъ тез азлаша,
тер тёкюлип джыйылгъан мульк исе чокълаша.
12 iБошуна чыкъкъан умют – юрек азабы,
ерине кельген истек – омюр тереги.
13Айтылгъан сёзге къулакъ асмагъан адам озюне зарар кетире,
эмирлерден къоркъкъан исе бол къысмет алыр.
14 jИкметли адамнынъ огреткени – омюр чокърагъыдыр,
о, адамны олюм къапкъанындан узакълаштыра.
15Акъыл-ферасет мерамет къазана,
хиянетлик ёлу исе эляккъа алып кете.
16 kЭр бир зекялы адам бильгинен арекет эте,
акъылсыз адам исе ахмакълыгъыны косьтере.
17 lЯман хаберджи белягъа огърай,
ишанчлы эльчининъ элинде исе шифа.
18 mОгютни терк эткен адамны ёкъсуллыкъ ве утанч беклей,
тербиени алгъан адамгъа исе шан-шурет.
19Ерине кетирильген истек – джан ичюн шербет,
акъылсыз адамгъа исе яманлыкътан айырылмагъа – пис бир шей.
20Икметли адамларнен акъыл танышкъан адам икметли олур,
акъылсызларнен иш туткъан адам исе белягъа огърар.
21Яманлыкъ гунакярнынъ пешинден кетеята,
инсафлы адамны исе яхшылыкъ къалдырмаз.
22 nЯхшы адам торунларына къадар мирас къалдыра,
гунакярнынъ байлыгъы исе инсафлы адамлар ичюн сакъланып тутула.
23Фукъаренинъ тарласы бол-берекетли олса да,
адалетсизлик оны алып кетер.
24 oТаякъны аджыгъан адам огълундан нефрет эте,
огълуны севген исе оны гъайретнен тербиелей.
pИнсафлы адам тойып ашай,
яман адамнынъ къурсагъы исе ач къала.
25
Copyright information for
CrhCTB