Psalms 110
Раббиден къоркъу
Эльхамдюлилля!
Алеф 1 aМен догъруларнынъ шурасында ве топлашувындаБеит ачыкъ юрекнен РАББИни шуретлерим!
Гимел 2 bРАББИнинъ ишлери буюктир,
Далет оларда зевкъ тапкъанларнынъ эписи оларны огренелер.
Хе 3 cРАББИнинъ ишлери – шанлы-шуретлидир,
Вав Онынъ адалети – эбедийдир.
Зайин 4 dОзь аджайип шейлерини унутылмайджакъ этип яратты,
Хет РАББИ мераметли ве шефкъатлы!
Тет 5 eОндан къоркъкъанларгъа аш берер,
Ёд Озь васиетини эбедиен эсинде тутар.
Каф 6Озь халкъына къудретли ишлерини косьтерди,
Ламет халкъларнынъ топракъ мирасыны оларгъа берди.
Мим 7Къоллары беджерген ишлери ишанчлы ве адалетлидир,
Нун бутюн къаиделери къавийдир.
Самек 8Олар даимий ве эбедий къаттыдыр,
Айин акъ ве догърулыкънен япылгъан.
Пе 9 fРАББИ Озь халкъы ичюн одеме берди,
Саде эбедий васиетини буюрды.
Коф Онынъ Ады мукъаддес ве къоркъунчлыдыр.
Реш 10 gБильгининъ башы – Алладан къоркъмакътыр,
Шин бойле ёл туткъан эписининъ акъылы ериндедир.
Тав РАББИге эбедиен макътавлар олсун!
Copyright information for
CrhCTB