Psa 111 | CrhCTB | STEP | Эльхамдюлилля! Алеф Не де бахтлыдыр РАББИден къоркъкъан, Беит Онынъ эмирлеринде чокъ зевкъ тапкъан адам!

a Збр 1.2; 127.1

b Икм 11.21

c Збр 110.3

d Збр 26.1; 96.11; Микъа 7.8

e Збр 36.26

f Икм 10.7

g Збр 56.8; 107.2

h Збр 53.9

i Текр 24.13; Икм 11.24-25; 2 Кор 9.9

j Эюп 16.9

‏ Psalms 111

Раббиден къоркъкъан инсан бахтлыдыр

1 ^aЭльхамдюлилля!
Алеф Не де бахтлыдыр РАББИден къоркъкъан,
Беит Онынъ эмирлеринде чокъ зевкъ тапкъан адам!
Гимел 2 ^bБу адамнынъ сою ер юзюнде къудретли олур,
Далет догъруларнынъ несилини алгъышларлар.
Хе 3 ^cБоллукъ ве зенгинлик онынъ эвинде,
Вав онынъ инсафлыгъы эбедий олур.
Зайин 4 ^dДогъруларгъа къаранлыкъта да нур сачылыр,
Хет мераметли, шефкъатлы ве адалетли о.
Тет 5 ^eМерамет косьтерген, борджкъа берген,
Ёд озь ишлерини адалетли япкъан адамгъа яхшылыкъ олур.
Каф 6 ^fО, ич бир вакъыт сарсылмаз,
Ламет эбедий яшар адалетли адамнынъ хатырасы.
Мим 7 ^gЯман хаберден къоркъмаз о,
Нун РАББИге умют эте, юреги къавий.
Самек 8 ^hЮреги къавийдир;
Айин душманларына бакъып, о, къоркъмаз.
Пе 9 ⁱКъолуны ачып ёкъсулларгъа бере,
Саде онынъ инсафлыгъы эбедийдир,
Коф къудрети шуретте юкселир.
Реш 10 ^jЯрамай буны корип гъазапланыр,
Шин тишлерини гъыджырдатып озюни ашар,
Тав ярамайларнынъ истеги бошуна чыкъар.