Psalms 114
Къуртулыш йыры
1 aРАББИни севем!О, меним ялварувымны,
меним сесимни эшитти.
2О, манъа къулакъ аскъаны ичюн,
омюрбилля Оны чагъырырым!
3 bОлюм багълавлары мени сарды,
джеэннем азаплары башыма тюшти,
сыкъынты ве беля мени басып алды.
4О вакъыт РАББИнинъ Адыны чагъырдым,
«Я РАББИ, джанымны къуртар», – дедим.
5 cРАББИ рахман ве адалетлидир,
Алламыз мераметлидир.
6РАББИ адий инсанларны сакълай.
Мен белягъа огърагъанымда, О, мени къуртарды.
7 dЭй, джаным, раатлыкъ ерине бир даа къайт,
чюнки РАББИ санъа эйилик япты!
8 eДжанымны олюмден, козьлеримни яштан,
аякъларымны таймакътан Сен къуртардынъ,
я РАББИм!
9 fТирилер дюньясында РАББИнинъ алдында юрерим!
Copyright information for
CrhCTB