Psalms 128
Исраильнинъ душманларыны утандыргъан дува
Зиярет йыры.
1 a– Яшлыгъымдан берли манъа къаршы чокъ дженклешти, –десин Исраиль.
2– Яшлыгъымдан берли манъа къаршы чокъ дженклешти,
амма мени енъип оламадылар.
3 bСабанджылар аркъамны сюрдилер,
узун баразналар ачтылар.
4РАББИ исе адалетлидир,
О, ярамайларнынъ багълавларыны кести.
5 cСиондан нефрет эткен эписи,
утана-утана къайтып кетерлер!
6 dЮлкъулмаздан эвель къуруп кеткен,
дам устюндеки от киби олурлар!
7Онен не оракъчынынъ авучы,
не де культе багълайыджынынъ къучагъы толур.
8 eКеткен-кечкенлер де:
«РАББИнинъ эйилиги сеннен олсун!
РАББИнинъ Адындан сизге эйилик тилеймиз!» – демезлер.
Copyright information for
CrhCTB