Psalms 147
Исраильни Алланы макътамагъа чагъырув
1Эй, Ерусалим, РАББИни макъта!Алланъны макъта, эй, Сион!
2 aО, къапуларынънынъ мандалларыны пеките,
ичинъдеки огъулларынъа эйилик тиле,
3 bсынъырларынъ ичинде аманлыкъ бере,
энъ яхшы богъдайнен сени тойдура.
4О, ер юзюне Сёзюни ёллай,
Онынъ Келимеси тез етип бара.
5 cО, юнь киби къар ягъдыра,
куль киби къырав сача.
6О, парчачыкълар киби Озь бурчагъыны ташлай;
Онынъ аязына ким даяныр?
7О, сёзюни ёллар – эписи ирир,
Озь елини ёллар – сувлар акъар.
8О, Озь Сёзюни Якъупкъа бильдирди,
Озь низамнаме ве къарарларыны Исраильге берди.
9 dБашкъа ич бир халкъ ичюн япмады буны,
олар Онынъ къарарларыны бильмейлер.
Эльхамдюлилля!
Copyright information for
CrhCTB