Psa 2 | CrhCTB | STEP | Не ичюн миллетлер шамата котерелер? Не ичюн халкълар бош шейлерни акъылгъа къоялар?

a Фаал 4.25-26

b Збр 17.51; 19.7; 88.20-21

c Збр 10.4; 36.13; 58.9; Икм 1.26

d Збр 109.2; Сыр 14.1

e Фаал 13.33; Еуд 1.5; 5.5; 2 Пад 7.14

f Еш 30.14; Йрм 19.11; Сыр 2.27; 12.5; 19.15

g Еуд 12.28; Флп 4.4

h Збр 33.8

‏ Psalms 2

Алла сайлагъан Падиша

1 ^aНе ичюн миллетлер шамата котерелер?
Не ичюн халкълар бош шейлерни акъылгъа къоялар?
2 ^bДюнья падишалары баш котерелер,
башлыкълары бирлешип, акъыл танышалар,
РАББИге ве Онынъ Месихине къаршы чыкъалар:
3 «Къана, оларнынъ зынджырларыны бозып ташлайыкъ,
оларнынъ бугъавларындан азат олайыкъ!»
4 ^cКоклерде Отургъан куледжек,
Рабби оларны масхара этеджек.
5 О вакъыт О, ачувнен айтаджакъ,
гъазапланып, оларнынъ юрегине къоркъу сачаджакъ.
6 ^d«Мен Падишаны сайлап,
мукъаддес Сион дагъымда оны ерлештирдим», – дейджек.
7 ^eМен РАББИнинъ низамнамесини бильдиреджегим.
О, Манъа деди: «Сен Меним Огълумсынъ.
Бугунь Мен Санъа Баба олдым.
8 Менден истеп сорасанъ,
Мен Сени халкъларнынъ саиби япаджагъым,
бутюн ер юзюни санъа береджегим,
ве о, Сенинъ барлыгъынъ олур.
9 ^fДемир таякънен халкъларны тар-мар этеджексинъ,
чёльмекчининъ бардагъыны киби, оларны парчалайджакъсынъ», – деди.
10 Энди, эй, падишалар, акъыллы олунъыз!
Эй, дюнья ёлбашчылары, огренинъиз!
11 ^gРАББИден къоркъып, Онъа хызмет этинъиз,
эм де къалтырап, къуванынъыз!
12 ^hОгълуны урьмет этинъиз ^{▼▼Я да «Онынъ аякълары астында ерни опюнъиз».},
ёкъса Онынъ ачувы чыкъар,
ве сиз озь ёлунъызда гъайып олурсынъыз,
чюнки Онынъ ачувы тезден алевленир!
Онъа ишангъан адамлар не де бахтлы олурлар!