a 1 Тар 16.41; 25.1; Збр 61.1; 76.1
b Эюп 2.10
c Эюп 32.20; Йрм 6.11; 20.9
d Збр 89.12
e Эюп 7.16; Збр 61.10; 88.48; 90.5; 93.10-11; 143.4; Джем 1.2
f Эюп 27.16-17; Збр 48.11; Джем 2.18
g Збр 37.16
h Эюп 13.21
i 4 Пад 20.5; 1 Тар 29.15; Збр 55.9; 118.19, 54
j Эюп 7.19; 10.21-22

‏ Psalms 38

Азап чеккен адамнынъ тёвбеси

1 aБаш чалгъыджы ичюн. Едутун ичюн. Давутнынъ зебуры.
 2 b«Тилимнен гуна япмамакъ ичюн,
мен юреджек ёлума бакъаджагъым;
ярамай адам къаршымда тургъанда,
агъзымны къапатып тутарым», – дедим.
 3Тилимни тутып, агъзымны къапаттым,
эр бир яхшы лафны биле агъзыма алмадым,
лякин меним дердим даа артты.
 4 cЮрегим ичимде туташты,
фикирлеримни атеш алды,
озь тилимнен лафны башладым:
 5 d«Я РАББИ, манъа омрюмнинъ сонъуны бильдир.
Куньлеримнинъ сайысы не къадар экен?
Аятымнынъ сынъырыны билейим!» – дедим.
 6 eСен манъа бир къарыш куньлер бердинъ,
Сенинъ огюнъде аятым бир шей дегиль.
Эр бир яшагъан адамнынъ омрю
акъикъатен ельнинъ эскенине ошай.

Сэла
 7 fКерчектен де, адам, кольге киби, юре;
керчектен де, эр бир арекети бошуна.
Мал топлай, амма кимге къалдыраджагъыны бильмей.
 8 gЭнди, я Рабби, мен нени беклейим?
Сендедир меним умютим!
 9Бутюн къанунсызлыкъларымдан мени къуртар,
акъылсызнынъ акъаретине мени берме!
 10Индемедим, агъзымны ачмадым,
чюнки бу Сенинъ ишинъдир.
 11 hСенден котек ашамамны четлештир,
ураджакъ къолунъдан мен ёкъ олам.
 12Сен адамны джинаети ичюн къабаатлап,
джезасыны азырлап бересинъ,
онынъ къыйметли шейлерини, сюме киби, ёкъ этесинъ.
Керчектен де, эр бир инсаннынъ омрю ельнинъ эскенине ошай.

Сэла
 13 iДувамны эшит, я РАББИ,
къулакъ ас фигъаныма!
Козьяшларымны джевапсыз къалдырма!
Сенинъ янынъда мен бир ёлджум,
бутюн бабаларым киби, бир кельмешеким.
 14 jМанъа бакъма.
О бир дюньягъа кетип, ёкъ олмаздан эвель,
мен кене теселли тапарым!
Copyright information for CrhCTB