Psalms 56
Ярдым дувасы
1 aБаш чалгъыджы ичюн. Аль-ташхет. Давутнынъ миктамы. Шаулдан къачып Давут къобада сакълангъан вакъытта язылгъан йыр.2 bМерамет эт манъа, эй, Алла,
мерамет эт манъа!
Джаным Санъа умют багълай;
белялар кечмегенине къадар,
къанатларынъ кольгесинде сакъланаджагъым.
3Мен Юдже Алланы,
мен ичюн эр шейни япкъан Алланы чагъыраджагъым.
4 cО, коктен манъа къуртулыш ёллайджакъ,
мени ёкъ этмеге истегенлерни масхара этеджек.
Сэла
Алла Озюнинъ севгисини ве акъикъатыны ёллайджакъ.
5 dДжаным арсланлар арасында къалды;
атеш къускъанларнынъ,
инсан огъулларынынъ арасында ятам:
оларнынъ тишлери – сюйрю мызракъ ве окъ киби,
тиллери – кескин къылыч кибидир.
6Эй, Алла, коклерден де юкъарыгъа чыкъ,
шуретинъ бутюн ер юзюни къапласын!
7 eОлар аякъларыма къапкъан азырлады, –
джаным ашагъы тюшти, –
ёлумда чукъур къаздылар, –
озьлери онынъ ичине тюшти.
Сэла
8 fЮрегим азыр, эй, Алла, юрегим азыр.
Мен Санъа йыр йырлайджагъым,
Сени шуретлейджегим!
9 gУян, эй, шуретим!
Уянынъыз, эй, арфа ве сантыр!
Мен эрте тураджагъым.
10Халкълар арасында Сени шуретлейджегим, я Рабби,
къабилелер арасында Санъа йыр йырлайджагъым!
11 hСенинъ буюк севгинъ коклерге ете,
акъикъатынъ да булутларгъа етише!
12Эй, Алла, коклерден де юкъарыгъа чыкъ,
шуретинъ бутюн ер юзюни къапласын!
Copyright information for
CrhCTB